ივნისის ასტროლოგიური პროგნოზი ქალწულისთვის - "საქმიან მოლაპარაკებების, მეგობრული შეკრებებისა და მიმოსვლების თვე დაგიდგათ"

თუ მოინდომებთ, კარიერაში წარმატებას აუცილებლად მიაღწევთ, შეიძლება დაწინაურდეთ ან გაგიუმჯობესდეთ მატერიალური მდგომარეობა. ეცადეთ, არ აურიოთ პირადი ცხოვრება კარიერას. კარგად შესრულებული პროექტი ან ბიზნეს იდეა თქვენს ფინანსებზე აისახება. ზოგიერთებმა უნდა გამოასწოროთ ადრე დაშვებული შეცდომები. მცირე შეცდომებს, რომლებიც ჭკუასაც გასწავლით და მათ გამოსწორებასაც ადვილად შეძლებთ, ცხოვრებისეულ კატასტროფად ნუ აღიქვამთ.

სწავლა, ბიზნესი და სამ­სა­ხუ­რი

შეხვედრების, საქმიან მოლაპარაკებების, მეგობრული შეკრებების, მიმოსვლების თვე დაგიდგათ. განსაკუთრებით თვის დასაწყისში იქნებით აქტიური. დააკვირდით მოსაუბრეს, უთხარით მას ის, რისი მოსმენაც გაეხარდება. ეცადეთ, თქვენ მიმართ დადებითად განაწყოთ, ამით თავადაც ისარგებლებთ. გადახედეთ მიღებულ ინფორმაცია, გადაამოწმეთ ფაქტები, გამოასწორეთ ის შეცდომები, რაც სწავლაში, მუშაობაში, განვითარებაში გიშლით ხელს.

სიყ­ვა­რუ­ლი და ფი­ნან­სე­ბი

დაფიქრდით, სწორად გესმით პარტნიორის ნათქვამი, ეჭვი ხომ არ გეპარებათ მის გრძნობებში?.. ეს კითხვები შეიძლება შეყვარებულებსაც გაუჩნდეთ და იმ ქალწულებსაც, ვინც დიდი ხანია დაქორწინებულია. თქვენ პარტნიორისგან მუდმივი აღფრთოვანება, დაფასება გჭირდებათ. თავად კი გსურთ მუდამ მიმზიდველი იყოთ პარტნიორისთვის. თქვენზე კარგად არავინ იცის არც ბიუჯეტის დაგეგმვა და არც ფინანსების მართვა. ეცადეთ, ივნისშიც ხარისხიანად იმუშაოთ ამ საკითხზე.

ჯან­მრთე­ლო­ბა

აგრესიული და მებრძოლი მარსი მთელი ივნისი თქვენი პარტნიორობის სექტორში იქნება განლაგებული. რაც გახდება მიზეზი გახშირებული კამათისა და უსიამოვნებებისა მეუღლესთან და შეყვარებულთან. თუ გრძნობთ, რომ ადვილად ეგებით პროვოკაციაზე და აგრესიული ხდებით, გირჩევთ, ფიზიკურად ივარჯიშოთ. ეს დაგეხმარებათ ზედმეტი ბრაზისგან გათავისუფლდეთ და კარგი სპორტული სხეულიც მიიღოთ. ისე, ივნისში განსაკუთრებით იგრძნობთ, რომ ზედმეტი კილოგრამები აკრიფეთ.

ქალებისათვის

ნაყოფიერი და წარმატებული თვე დაგიდგათ. მთავარია, სწორად გადაანაწილოთ თქვენი დრო და ენერგია საქმეებსა და პირად ცხოვრებაზე. მოსალოდნელია სიურპრიზები, ზოგიერთი სასარგებლო ინფორმაციას მიიღებს. თავს შეგახსენებენ ძველი მეგობრები. ზოგიერთმა შეიძლება მეგობრების დახმარებით იდეები განახორციელოს.

კაცებისათვის

თავშეკავებული, გააზრებული და ცივსისხლიანი უნდა იყოთ. მშვიდად გადალახავთ ყველა სირთულეს და რთული სიტუაციიდანაც თავაწეული და გამარჯვებული გამოხვალთ. ხანდახან სიტუაცია შეიძლება უმართავი გახდეს, მაგრამ თავდაჯერებულად იმოქმედეთ. გააუმჯობესეთ ურთიერთობა თქვენთვის საინტერესო ადამიანებთან.