გიორგი ჟვანია - ზურაბ ჟვანიას საქმესთან დაკავშირებული გამოძიება კულმინაციას უახლოვდება

ზურაბ ჟვანიას საქმესთან დაკავშირებული გამოძიება კულმინაციას უახლოვდება, - ამის შესახებ "ინტერპრესნიუსს" ზურაბ ჟვანიას ძმამ გიორგი ჟვანიამ განუცხადა. მისივე თქმით, ჩაჩუას დაკავება გამოძიების ერთ-ერთი ეტაპია.

"მიმდინარეობს გამოძიება. ჩაჩუას დაკავება ერთ-ერთი ეტაპია. გამოძიება კულმინაციას უახლოვდება. სანამ გამოძიება მიმდინარეობს, მე დეტალებზე არ ვისაუბრებ და ჩემი მხრიდან უხერხულიც არის. ჩემთვის მისი დაკავება მოულოდნელი არ ყოფილა, თუმცა, არ ვიცოდი ეს რომელ დღეს მოხდებოდა", - აღნიშნა ჟვანიამ.

მისივე თქმით, ამ საქმეზე დაიკითხა მურთაზ ზოდელავა და სხვა ყოფილი მაღალჩინოსნების დაკითხვაც აუცილებლად მოხდება. რაც შეეხება ეგსჰუმაციას, როგორც ჟვანია აცხადებს, გარდაცვლილის ოჯახი ყველა საგამოძიებო მოქმედებაზე თანახმაა.

"ინტერპრესნიუსი"