მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თეა წულუკიანი - ყველანი შევთანხმდით, რომ ID-ში ბარათში არავინ არ ზის
07:22 / 11-03-2014
მგონი მხოლოდ გედი ფოფხაძე არ ეთანხმება, რომ ელექტრონულ პირადობის მოწმობაში არავინ და არაფერი არ ზის, - ამის შესახებ საქართველოს იუსტიციის მინისტრმა თეა წულუკიანმა განაცხადა.
მინისტრი ელექტრონული პირადობის მოწმობების მოწინააღმდეგეთა მოთხოვნებს დღეს ჟურნალისტებთან გამართულ შეხვედრაზე გამოეხმაურა.
"საერთოდ, მე მიხარია, რომ ამ ჯგუფმა, რომელიც თავიდან საუბრობდა მხეცზე, საუბრობდა ეშმაკზე, ექვსიანებზე და შუბლზე, დახვეწა თავისი მესიჯი და გაიაზრა ის, რომ პირადობის მოწმობაში არ ზის არავინ და არაფერი, ამას დღეს მე მგონი მხოლოდ გედი ფოფხაძე არ ეთანხმება, დანარჩენი ყველანი შევთანხმდით, რომ ბარათში არავინ არ ზის", - აღნიშნა წულუკიანმა.
მისივე თქმით, აიდი ბარათი ელექტრონული, გაუყალბებელი და უსაფრთხო, საამაყო დოკუმენტია, რადგან თავად საქართველოს მოქალაქეობაა საამაყო.
როგორც მინისტრმა აღნიშნა, ხელისუფლების მიზანია, როცა ვიზალიბერალიზაციის ფარგლებში საქართველო ევროკავშირთან საზღვრებს გახსნის და საქართველოს მოქალაქეებს ევროპაში წასასვლელად ვიზა აღარ დასჭირდებათ, სამგზავრო დოკუმენტად პირადობის მოწმობა გამოიყენონ.
"ეს უსაფრთხო დოკუმენტი სჭირდება ჩვენს მოქალაქეებს, რომ ევროკავშირის სრულფასოვანი წევრები გავხდეთ და ელექტრონული პირადობის მოწმობა სამგზავრო დოკუმენტი გახდეს, როგორც ეს მაგალითად პორტუგალიაშია, ისე რომ პასპორტი არ დაგვჭირდეს", - დასძინა მინისტრმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
