თუ მელ გიბსონის ფილმი "ქრისტეს ვნებანი" გინახავთ, აუცილებლად დაგამახსოვრდებოდათ ქალი, რომელიც ეშმაკის როლს თამაშობს.
მისი "გაყინული" სახე და თვალები შემზარავია. შეიძლება მისი სახელი და გვარი არც კი იცოდეთ: ეს მსახიობი 45 წლის როსალინდა ჩელენტანოა, ცნობილი იტალიელი მსახიობისა და მომღერლის, ადრიანო ჩელენტანოსა და კლაუდია მორის ქალიშვილი.
შეგახსენებთ, როსალინდამ შარშან საჯაროდ აღიარა, რომ არატრადიციული სექსუალური ორიენტაციის მიმდევარია. მან ჟურნალ Vanity Fair-თან ინტერვიუში განაცხადა, რომ იტალიელ მსახიობ სიმონ ბორისონთან რომანტიკული ურთიერთობა აქვს, დაქორწინებასაც აპირებდა, მაგრამ იმის გამო, რომ იტალიაში ერთსქესიანთა ქორწინება აკრძალულია, დაოჯახება ვერ შეძლო.
ცნობილი მშობლები ქალიშვილს მხარს უჭერენ. როსალინდა ადრიანოსა და კლაუდიას შვილებში უმცროსია. ადრიანო ჩელენტანო და კლაუდია მორი 1964 წელს დაქორწინდნენ.
