გურჯაანის გამგებელმა თანამშრომლებს ინფორმაციის გაცემა აუკრძალა

გურჯაანის მუნიციპალიტეტის გამგებელმა თანამშრომლებს სხვადასხვა საკითხებზე ინფორმაციის გაცემა აუკრძალა. როგორც გამგეობის რამდენიმე თანამშრომელი აცხადებს, ისინი გამგებელთან შეუთანხმებლად ინფორმაციას ვერ გასცემენ.

"ვიცი, რომ საჯარო ინფორმაციაა, მაგრამ რა ვქნა? გამგებელმა ყველა გაგვაფრთხილა, რომ შეთანხმების გარეშე ინფორმაციები არ გავცეთ, მე ხომ ჩემი ხელმძღვანელი მყავს, რა ვქნა?" - აღნიშნა გამგეობის ერთმა თანამშრომელმა "კახეთის საინფორმაციო ცენტრთან".

გურჯაანის გამგებელი ემზარ ჯიქურაშვილი მედიისთვის ინფორმაციის დაბლოკვას არ ადასტურებს. მისი თქმით, თანამშრომლებს ინფორმაციის გაცემა მხოლოდ "საკვანძო საკითხებზე" აუკრძალა.

იხილეთ ვრცლად

კახეთის საინფორმაციო ცენტრი