"მე ის მიკვირს, გოლი როგორ გაქონდა" - ეკა ხერხეულიძე კახი კალაძეზე

"ნაციონალური მოძრაობის" ერთ-ერთი ლიდერი ეკა ხერხეულიძე "ფეისბუქის" პირად გვერდზე ხუდონჰესის აზომვითი სამუშაოების შეჩერებას ერთი ფრაზით ეხმაურება.

"კახა კალაძემ ხუდონჰესის აზომვითი სამუშაოები დროებით შეაჩერა

მე ის მიკვირს, გოლი როგორ გაქონდა, მოწინააღმდეგეს რომ ხედავდა:)" - წერს ხერხეულიძე.

საქართველოს ენერგეტიკის სამინისტრო ხაიშში აზომვით სამუშაოებს, რომელიც ხუდონჰესის მშენებლობას უკავშირდება, დროებით წყვეტს. მინისტრის განცხადებით, უახლოეს დღეებში ხაიშის მაცხოვრებლებს შეხვდება, რომლებიც აქამდე მშენებლობას აპროტესტებდნენ.

განცხადება ენერგეტიკის მინისტრმა კახა კალაძემ სამინისტროში გამართული დახურული შეხვედრის შემდეგ გააკეთა, სადაც სასჯელაღსრულების მინისტრ სოზარ სუბარს და მესტიის მაჟორიტარ დეპუტატ ვიქტორ ჯაფარიძეს შეხვდა.