ბუსტჰალტერი, რომელიც საყვარელი ადამიანის გვერდით თავად იხსნება

იაპონურმა საცვლების მწარმოებელმა კომპანიამ Ravijour-მა "ჭკვიანი" ბუსტჰალტერი შექმნა, რომელიც მხოლოდ პარტნიორთა გულწრფელი გრძნობების შემთხვევაში იხსნება.

გამოგონებას True Love Tester-ი ჰქვია. სენსორების დახმარებით, მოწყობილობა ქალის გულისცემის სიხშირეს ზომავს, მიღებულ ინფორმაციას სმარტფონს გადასცემს და აპლიკაციის დახმარებით მის ანალიზს აკეთებს. იმ შემთხვევაში, თუ გრძნობა გულწრფელია, ბალთა იხსნება, სხვა სიტუაციებში, კერძოდ, ვარჯიშისას მოწყობილობა არ ამოქმედდება.

ჯერჯერობით, "ნამდვილი სიყვარულის დეტექტორი" გაყიდვაში არ ჩაშვებულა, მაგრამ კომპანიის თანამშრომელი იუკი ტამური ამბობს, რომ იგი მალე "ქალსა და კაცს რომანტიკული ურთიერთობების ხელახლა გაღვივებაში დაეხმარება".  "ჭკვიანი" ბუსტჰალტერი ქალს ზედმეტად აბეზარი თაყვანისმცემლისგანაც დაიცავს.

მომზადებულია newsru.com-ის მიხედვით.