სტალინის სახლმუზეუმში ბელადის ფოტოების გამოფენა "ჰაინრიხ ბიოლის ფონდის" მხარდაჭერით მოეწყო. ღონისძიების - "ძეგლების თამაში - სტალინი აქ და ამჟამად" ფარგლებში დისკუსიაც გაიმართა, რომელსაც მოდერატორობას თამარ გურჩიანი უწევდა.
გურამ წიბახაშვილის გადაღებული ფოტოების ფონზე მოხსენება "სტალინის როლი ჩვენს თანამედროვეობაში" საბჭოთა კვლევის ლაბორატორიის წარმომადგენელმა ირაკლი ხვადაგიანმა წაიკითხა. გორის ერთ-ერთი სკოლის პედაგოგმა მარიამ მიხანაშვილმა განაცხადა, რომ სტალინმა და ჰიტლერმა ერთად დაგეგმეს მეორე მსოფლიო ომი, რასაც დარბაზში ხმაური მოჰყვა.