ოლიმპიადის მეჩირაღდნე ცეცხლის ესტაფეტის დროს გარდაიცვალა

რუსეთში, კურგანის ოლქის 73 წლის მოქალაქე ვადიმ გორბენკო ”სოჭი-2014”-ის ოლიმპიური ცეცხლის ესტაფეტის შემდეგ გარდაიცვალა.

გუშინ, 15 დეკემბერს, იგი კურგანში ესტაფეტის ეტაპის პირველი მეჩირაღდნე იყო. გარბენიდან მალევე ბერძნულ-რომაული ჭიდაობის რუსეთის მწვრთნელმა თავი ცუდად იგრძნო. ექიმებმა გულის შეტევის დიაგნოზი დასვეს. მეჩირაღდნე საავადმყოფოში გადაიყვანეს, მაგრამ მისი გადარჩენა ვერ მოხერხდა.

მომზადებულია sports.ru -ს მიხედვით.