მოსწავლე-ახალგაზრდობის სასახლეში საბრძოლო მასალა აღმოაჩინეს

თბილისის მოსწავლე-ახალგაზრდობის სასახლეში საბრძოლო მასალაა აღმოჩენილი. ამის შესახებ "ინტერპრესნიუსს" საქართველოს შინაგან საქმეთა სამინისტროს პრესაამსახურის უფროსმა, ნინო გიორგობიანმა განუცხადა.

მისი თქმით, ყუთში მოთავსებული საბრძოლო მასალა ერთ-ერთ ოთახში, სარემონტო სამუშაოების დროს, კედელში იპოვეს.

როგორც გიორგობიანმა აღნიშნა, აღმოჩენილი საბრძოლო მასალის სიძველიდან გამომდინარე, ის სავარაუდოდ, ვარგისი არ არის, თუმცა მას ექსპერტიზა მაინც ჩაუტარდება.

ნინო გიორგობიანის თქმით, ადგილზე საგამოძიებო მოქმედებები უკვე დასრულებულია, სწავლის პროცესი კი არ შეფერხებულა.

"ინტერპრესნიუსი"