კახა კალაძე - შეიძლება ვთქვათ, რომ შემდგარი სახელმწიფო ვართ

შეიძლება ვთქვათ, რომ შემდგარი სახელმწიფო ვართ, - ასე აფასებს ენერგეტიკის მინისტრი კახა კალაძე საქართველოს საპრეზიდენტო არჩევნებს.

როგორც კალაძემ ჟურნალისტებს განუცხადა, ასეთი არჩევნები საქართველოში არასდროს ჩატარებულა."ასეთი არჩევნები საქართველოს არასდროს ჩაუტარებია და ესაა ჩვენი ხელისუფლების, ჩვენი ხალხის მიღწევა. მინდა მივულოცო სრულიად საქართველოს. დარწმუნებული ვარ, რომ ევროპელი პარტნიორებიც გაანალიზებენ იმას, თუ როგორ პირობებში ჩატარდა არჩევნები, რომ ყველა კანდიდატს ჰქონდა ბრძოლის თანაბარი შესაძლებლობა. შეგვიძლია ვთქვათ, რომ ვართ შემდგარი სახელმწიფო, რომელიც მიისწრაფის ევროპისკენ", - აღნიშნა კალაძემ.

მისივე განმარტებით, კოალიცია აღნიშნულ შედეგს ელოდა.

იხილეთ ვიდეო

"ინტერპრესნიუსი"