პინგვინები, ზებრები და ახლა უკვე ზვიგენები. ბიძინა ივანიშვილმა უზარმაზარი აკვარიუმისთვის ადგილი თბილისში მდებარე ბიზნესცენტრში გამოყო.
ოკეანის ბინადრებს ბუნებრივთან მაქსიმალურად მიახლოებული გარემო შეუქმნეს - მაქსიმალური სივრცე, წყალქვეშა სამყარო და მარილიანი წყალი. აკვარიუმისთვის 25 ტონა მარილი დაიხარჯა.
ზვიგენების გვერდით პატარა ფერადი თევზები ცხოვრობენ. დიდები პატარებს თურმე არ ემტერებიან. ორგანყოფილებიანი აკვარიუმის მცირე ნაწილში ყვითელი და ლურჯი თევზები ბინადრობენ.
ზღვის სამყაროს ბიზნესცენტრის შესასვლელში მთელი კედელი უჭირავს და თვალს დანახვისთანავე იტაცებს. თავი წყალქვეშ გეგონებათ - ეგზოტიკური გარემო და ზვიგენები, რომლებიც დამთვალიერებელს არ იმჩნევენ.
აკვარიუმს მყვინთავები ემსახურებიან. ის თვეების განმავლობაში შენდებოდა.
ambebi.ge
