სირიაში ქიმიური არსენალის განადგურების პროცესი დაიწყო

სირიაში ქიმიური არსენალის ლიკვიდაციის პროცესი დაიწყო, რომელსაც ქიმიური იარაღის ამკრძალავი კომისიის ექსპერტებისგან შემდგარი ჯგუფი განახორციელებს. ამის შესახებ "როიტერი" აღნიშნულ კომისიაში სანდო წყაროზე დაყრდნობით იუწყება.

33 ადამიანისგან შემდგარი ჯგუფი სირიაში გასულ კვირას ჩავიდა, მათ შორის არიან რუსეთის, აშშ-ის, დიდი ბრიტანეთის, ჩეხეთის, უზბეკეთის, ჩინეთის, კანადის, ნიდერლანდებისა და ტუნისის მოქალაქეები. აქედან 19 წევრი ქიმიური იარაღის ამკრძალავი კომისიის წევრია, დანარჩენი გაეროს თანამშრომლები არიან.

მომზადებულია bbc.co.uk-ის მიხედვით.