დათვმა ირკუტსკელ დამსვენებლებს ბორშჩი შეუჭამა

ქალაქ უსტ-ილიმსკში, ირკუტსკის ოლქში, წუხელ დამსვენებლების აგარაკზე დათვი შეიპარა. როგორც შსს-ს ადგილობრივი განყოფილება იუწყება, ცხოველმა დამსვენებლებს ვერანდაზე დატოვებული ბორშჩი შეუჭამა.

დათვი სახლიდან პოლიციელებმა განდევნეს.

სამართალდამცავები ოჯახის წევრებმა გამოიძახეს, რომლებიც ამ დროის მანძილზე აბანოს აფარებდნენ თავს. როგორც ადგილობრივი პოლიციის გავრცელებულ ინფორმაციაშია ნათქვამი, პოლიციელებმა ცხოველი ჰაერში გასროლით შეაშინეს, რის შემდეგაც დათვმა სახლი დატოვა. ინციდენტის შედეგად არავინ დაზარალებულა.

 

სახლის მეპატრონეთა თქმით, მათ ბორშჩი გააკეთეს და ვერანდაზე გასაციებლად დატოვეს, შემდეგ კი დასაძინებლად წავიდნენ. ღამით ისინი ძლიერმა ხმაურმა გააღვიძა, დათვი ყველაფერს ამტვრევდა. პოლიციის მოსვლამდე დათვმა ბორშჩის შეჭმა მოასწრო.

მსგავსი შემთხვევები უსტ-ილიმსკში ხშირად ხდება. მშიერი დათვები აგარაკებზე საჭმლის მოსაძებნად შედიან. ამასთან, ამ დრომდე დათვის მიერ ადამიანზე თავდასხმის არცერთი შემთხვევა არ ყოფილა.

მომზადებულია 38.mvd.ru-ს მიხედვით.