Boredpanda - მსოფლიოს მიტოვებულ ადგილებს შორის სოხუმის რკინიგზის სადგურიც მოხვდა

პოპულარულმა ვებგვერდმა Boredpanda-მ მსოფლიოს რამდენიმე ქვეყანაში მიტოვებული ადგილების ფოტოგალერეა წარმოადგინა. 24 მიტოვებულ ადგილს შორის მე-14 ნომრად აფხაზეთია წარმოდგენილი. ე.წ. "მოჩვენებათა ქალაქების" ნუსხაში სოხუმის რკინიგზის სადგური შევიდა.

"გთავაზობთ მსოფლიოს რამდენიმე ქვეყნის მიტოვებულ ადგილებს. თითოეულ მათგანს განსაკუთრებული შარმი აქვს. ისინი გვიყვებიან ამბავს ადამიანებზე, რომლებიც აქ ცხოვრობდნენ, ლოცულობდნენ, ან ყოველდღიური საქმიანობით იყვნენ დაკავებულნი. ყველა ფოტოსურათს ნოსტალგიური აურა დაჰკრავს. ადამიანები იძულებულნი გახდნენ, ამ ადგილებიდან წასულიყვნენ", - წერია სტატიაში.

სოხუმის რკინიგზის სადგურის ფოტოს აწერია - მიტოვებული რკინიგზის სადგური, აფხაზეთი, საქართველო.

"ეს სადგური სოხუმში, აფხაზეთში 1992-1993 წლების ომის შემდეგ მიატოვეს. რუსეთ-საქართველოს ომს რეგიონის იზოლირება მოჰყვა, მაგრამ დანგრეული სადგური ინარჩუნებს პირვანდელ დიდებას ჩამოშლილი ბათქაშის მიუხედავად", - ნათქვამია ფოტოსურათის აღწერაში.

იხილეთ ფოტოგალერეა

მომზადებულია boredpanda.com-ის მიხედვით.