სიკ­ვდი­ლით მო­ვაჭ­რე­ე­ბი - "ბოლოდროინდელი მკვლელობები შავ ბაზარზე შეძენილი იარაღით მოხდა"

დი­ღომ­ში ვცხოვ­რობ, 9 სა­ა­თი იქ­ნე­ბო­და, ეზო­ში ჩოჩ­ქო­ლი ატყ­და, ფან­ჯრი­დან გა­და­ვი­ხე­დე და და­ვი­ნა­ხე ორი უფორ­მო ტი­პი ჩვე­ნი კორ­პუ­სის ბი­ჭებს საკ­მა­ოდ ხმა­მაღ­ლა ელა­პა­რა­კე­ბო­და. ჩე­მი დის­შვი­ლი ეზო­ში იყო, ამი­ტომ სას­წრა­ფოდ ჩა­ვე­დი. რო­გორც გა­ირ­კვა, პო­ლი­ცი­ე­ლე­ბი იყ­ვნენ, რომ­ლე­ბიც თა­ვი­ანთ ეზო­ში მყოფ ბი­ჭებს დაშ­ლას სთხოვ­დნენ, რო­ცა ჰკითხ­ეს, რა­ტომ უნ­და და­ვი­შა­ლო­თო, ერ­თ-ერ­თის გაჩხ­რე­კა მო­ინ­დო­მეს. ამა­სო­ბა­ში მთე­ლი კორ­პუ­სი გა­რეთ გა­მო­ე­ფი­ნა, ხალ­ხი ბავ­შვებს გა­მო­ე­სარ­ჩლა, იმათ გაჩხ­რე­კა გა­და­ი­ფიქ­რეს და წა­ვიდ­ნენ, სი­მარ­თლე გითხ­რათ, ძა­ლი­ან გა­მიკ­ვირ­და, ჩე­მი კორ­პუ­სი­დან საკ­მა­ოდ ახ­ლო­საა პო­ლი­ცი­ის გან­ყო­ფი­ლე­ბა, მსგავ­სი რამ აქამ­დე არას­დროს მომ­ხდა­რა, - აცხ­ა­დებს მო­ქა­ლა­ქე ლა­ლი ოთა­რაშ­ვი­ლი.

შე­იძ­ლე­ბა ზე­მოხ­სე­ნე­ბულ კონ­კრე­ტულ შემ­თხვე­ვა­ში პო­ლი­ცი­ე­ლებ­მა ახალ­გაზ­რდის გაჩხ­რე­კის­გან თა­ვი შე­ი­კა­ვეს, მაგ­რამ ბო­ლო დღე­ებ­ში საკ­მა­ოდ ბევ­რი ფაქ­ტი და­ფიქ­სირ­და, რო­დე­საც ფორ­მი­ა­ნი თუ უფორ­მო პო­ლი­ცი­ე­ლე­ბი მო­ქა­ლა­ქე­ებს ჩხრეკ­დნენ, იწერ­დნენ მა­თი პი­რა­დო­ბის მოწ­მო­ბე­ბის ნომ­რებს და მო­ბი­ლუ­რით სუ­რა­თებს უღებ­დნენ. ამან მო­ქა­ლა­ქე­ებს შე­ვარ­დნა­ძის­ დრო­ინ­დე­ლი რე­ი­დე­ბი გა­ახ­სე­ნა. აღ­ნიშ­ნულ სა­კითხ­ზე გან­ცხა­დე­ბე­ბი გა­ავ­რცე­ლეს პო­ლი­ტი­კო­სებ­მა თუ არა­სამ­თავ­რო­ბო ორ­გა­ნი­ზა­ცი­ე­ბის წარ­მო­მად­გენ­ლებ­მა. თუმ­ცა შსს ამას პრე­ვენ­ცი­ულ ღო­ნის­ძი­ე­ბებს უწო­დებს და კა­ტე­გო­რი­უ­ლად ემიჯ­ნე­ბა ტერ­მინ "რე­იდს".

შსს-ს სა­ზო­გა­დოე­ბას­თან ურ­თი­ერ­თო­ბის სამ­სა­ხუ­რის უფ­რო­სი ნი­ნო გი­ორ­გო­ბი­ა­ნი:

"ეს არ არის რე­ი­დი, ამ პრო­ცესს რე­ი­დი "ნა­ცი­ო­ნა­ლებ­მა" და­არ­ქვეს. ეს არის პრე­ვენ­ცი­უ­ლი ღო­ნის­ძი­ე­ბა, რის შე­დე­გა­დაც საკ­მა­ოდ ბევ­რი ია­რა­ღი ამო­ვი­ღეთ, რო­გორც ცი­ვი, ასე­ვე ცეცხ­ლსას­რო­ლი. თი­თო ია­რა­ღი ერთ გა­დარ­ჩე­ნი­ლ სი­ცოცხ­ლეს ნიშ­ნავს. ეს არის პრე­ვენ­ცი­უ­ლი ზო­მე­ბი, რა­საც გან­სა­კუთ­რე­ბუ­ლი მი­ზე­ზი არ სჭირ­დე­ბა. უბ­რა­ლოდ, გვქონ­და ინ­ფორ­მა­ცია ია­რაღ­თან და­კავ­ში­რე­ბით, რო­მე­ლიც, ძი­რი­თა­დად, ახალ­გაზ­რდებს ჰქონ­დათ. ამას­თან და­კავ­ში­რე­ბით უამ­რა­ვი ჭო­რი აგორ­და, მაგ­რამ პო­ლი­ცია მოქ­მე­დებს კა­ნო­ნის ფარ­გლებ­ში და თუ ვინ­მეს დის­კომ­ფორ­ტი შე­ექ­მნა ამის გა­მო, უკ­ვე ბო­დი­შიც მო­ვუ­ხა­დეთ".

ბევ­რი რომ არ გა­ვაგ­რძე­ლოთ, შსს-სვე მო­ნა­ცე­მე­ბით, პო­ლი­ცი­ამ ბო­ლო რამ­დე­ნი­მე დღე­ში 20-ზე მე­ტი უკა­ნო­ნო ცეცხ­ლსას­რო­ლი ია­რა­ღი ამო­ი­ღო. მათ შო­რის პის­ტო­ლეტ­-ტყვი­ამ­ფრქვე­ვი მა­ყუ­ჩით, "ბე­რე­ტა", "ვალ­ტე­რი", "მაგ­ნუ­მი 22", "ზიგ­-ზა­უ­ე­რი", "ჩე-­ზე 75". ზოგიერთ და­კა­ვე­ბულს ჩხრე­კი­სას სხვა­დას­ხვა მო­დე­ლის რამ­დე­ნი­მე უკა­ნო­ნო ია­რა­ღი აღ­მო­აჩ­ნდა.

მოკ­ლედ, რო­გორც ჩანს, ამ პრე­ვენ­ცი­უ­ლი ღო­ნის­ძი­ე­ბე­ბის ძი­რი­თა­დი სა­მიზ­ნე უკა­ნო­ნო ია­რა­ღი იყო. არა­და, ბო­ლო წლე­ბის გან­მავ­ლო­ბა­ში იქ­მნე­ბო­და შთა­ბეჭ­დი­ლე­ბა, თით­ქოს უკა­ნო­ნო ია­რა­ღის ყიდ­ვა-­გა­ყიდ­ვის პრობ­ლე­მა მოგ­ვა­რე­ბუ­ლი იყო და "სიკ­ვდი­ლით მო­ვაჭ­რე­ე­ბიც­" (ა­სე უწო­დე­ბენ ია­რა­ღით უკა­ნო­ნო მო­ვაჭ­რე­ებს მთელ მსოფ­ლი­ო­ში) "მო­ყუ­ჩე­ბულ­ი" იყ­ვნენ. თუმ­ცა რო­გორც ჩვე­ნი ინ­კოგ­ნი­ტო რეს­პონ­დენ­ტი­ (ერ­თ-ერ­თი სპეც­სამ­სა­ხუ­რის ყო­ფი­ლი თა­ნამ­შრო­მე­ლი) გვე­უბ­ნე­ბა, მთლად ასეც არ არის საქ­მე.

"სა­ქარ­თვე­ლო­ში ია­რა­ღის შა­ვი ბა­ზა­რი ყო­ველ­თვის იყო და მო­მა­ვალ­შიც იქ­ნე­ბა. უბ­რა­ლოდ, ბო­ლო წლებ­ში "ი­ა­ტაკ­ქვე­შეთ­ში" ჩა­ვიდ­ნენ. თუმ­ცა თუ მო­ი­სურ­ვებ­დი, ია­რაღს მა­ინც იშო­ვი­დი, მათ შო­რის ავ­ტო­მატ­საც. გარ­და ამი­სა, ვის უნ­და ეყი­და ის ია­რა­ღი? ცი­ხე­ე­ბი გა­დავ­სე­ბუ­ლი იყო და ფაქ­ტობ­რი­ვად, კლი­ენ­ტი არ ჰყავ­დათ. ია­რა­ღის შა­ვი ბაზ­რის კლი­ენ­ტე­ბი ძი­რი­თა­დად, კრი­მი­ნა­ლუ­რი წარ­სუ­ლის მქო­ნე პი­რე­ბი იყ­ვნენ. ამ­ნის­ტი­ის შემ­დეგ კი კლი­ენ­ტე­ბი გაჩ­ნდნენ და ბა­ზა­რიც გა­მო­ცოცხ­ლდა, სხვათა შორის, ბოლოდროინდელი მკვლელობები შავ ბაზარზე შეძენილი იარაღით მოხდა, - აცხ­ა­დებს ჩვე­ნი რეს­პო­ნდენ­ტი.

ამ მო­საზ­რე­ბას ეთან­ხმე­ბა პო­ლი­ცი­ის გა­დამ­დგა­რი გე­ნე­რა­ლი გი­ვი ლობ­ჟა­ნი­ძე: "კონ­ფლიქ­ტებ­მა, ომ­მა, ჩვენს მე­ზო­ბელ ქვეყ­ნებ­ში მიმ­დი­ნა­რე პრო­ცე­სებ­მა ხე­ლი შე­უწყო უამ­რა­ვი აღუ­რიცხ­ა­ვი ია­რა­ღის სა­ქარ­თვე­ლო­ში მოხ­ვედ­რას. ბევ­რი ია­რა­ღი უკა­ნო­ნოდ მა­შინ გა­ი­ყი­და, რო­ცა რუ­სის ჯა­რი სა­ქარ­თვე­ლო­დან გა­დი­ო­და, მათ რე­ზერ­ვში უამ­რა­ვი ია­რა­ღი ჰქონ­დათ. ასე­ვე ია­რა­ღი და­ი­ტა­ცეს სამ­ხედ­რო ობი­ექ­ტე­ბის და პო­ლი­ცი­ის დარ­ბე­ვი­სას, ალ­ბათ ყვე­ლას გახ­სოვთ, შექ­მნი­ლი იყო საძ­მო­ე­ბი, რომ­ლის წევ­რე­ბიც ია­რა­ღით თა­ვი­სუფ­ლად და­დი­ოდ­ნენ ქუ­ჩა­ში. უამ­რა­ვი უკა­ნო­ნო ია­რა­ღი პან­კი­სი­დან შე­მო­ვი­და, კონ­კრე­ტუ­ლი წყა­რო, სა­ი­და­ნაც მოხ­ვდა სა­ქარ­თვე­ლო­ში უკა­ნო­ნო ია­რა­ღი, არ არ­სე­ბობს. ვის ხელ­ში მოხ­ვდა ია­რა­ღი, არა­ვინ იცის.

სამ­წუ­ხა­როდ, სრუ­ლად არ მომ­ხდა­რა უკა­ნო­ნო ია­რა­ღის ამო­ღე­ბა და ახ­ლა სწო­რედ ამ ია­რა­ღის რე­ა­ლი­ზა­ცია მი­დის. ეს არის სე­რი­ო­ზუ­ლი პრობ­ლე­მა, რო­მე­ლიც რამ­დე­ნი­მე წე­ლია არ­სე­ბობს. რად გვინ­და უცხ­ო­ე­თი­დან ია­რა­ღის შე­მო­ტა­ნა, სა­ქარ­თვე­ლო­ში ისე­დაც ბევ­რი უკა­ნო­ნო ია­რა­ღი­ა. ­კრი­მი­ნა­ლებ­თან ერ­თად, უკა­ნო­ნო ია­რაღს, სამ­წუ­ხა­როდ, ძა­ლო­ვა­ნი სტრუქ­ტუ­რე­ბის ყო­ფი­ლი თა­ნამ­შრომ­ლე­ბიც ყი­დი­ან, ისი­ნი, ვი­საც ხე­ლი მი­უწ­ვდე­ბო­და ია­რაღ­ზე. ახ­ლა გა­უ­ჭირ­დათ, მყიდ­ვე­ლიც გა­მოჩ­ნდა და და­იწყ­ეს ია­რა­ღით ვაჭ­რო­ბა. ია­რა­ღის რე­ა­ლი­ზა­ცია და­ახ­ლო­ე­ბით იმ გზე­ბით ხდე­ბა, რო­გორც ყი­დი­ან ნარ­კო­ტიკს, მაგ­რამ ია­რა­ღი გან­სა­კუთ­რე­ბით სა­ხი­ფა­თო­ა. ნარ­კო­ტი­კის შემ­თხვე­ვა­ში ფაქ­ტი მოხ­მა­რე­ბის­თა­ნა­ვე ნად­გურ­დე­ბა, ია­რა­ღი კი შე­იძ­ლე­ბა ბევ­რჯერ იყოს გა­ყი­დუ­ლი და ბო­ლოს მა­ინც დად­გინ­დე­ბა რე­ა­ლი­ზა­ტო­რის ვი­ნა­ო­ბა. დამ­წყებ რე­ა­ლი­ზა­ტორს და­საწყ­ის­ში სჭირ­დე­ბა შუ­ა­მა­ვა­ლი, ვინც და­ა­კავ­ში­რებს მყიდ­ველ­თან, რამ­დე­ნი­მე ასე­თი ფაქ­ტის შემ­დეგ მყიდ­ველ­მაც და რე­ა­ლი­ზა­ტორ­მაც ზუს­ტად იცის, ვის­გან იყი­დოს და ვის მიჰ­ყი­დოს. ხე­ლი­სუფ­ლე­ბა თა­ვა­დაც ამ­ბობს, მას­შტა­ბური ამ­ნის­ტი­ის დროს ბევ­რი ისე­თი ადა­მი­ა­ნი გა­მო­ვი­და გა­რეთ, ვინც არ უნ­და გა­მო­სუ­ლი­ყო, მაგ­რამ კა­ნონს ინ­დი­ვი­დებს ვერ მო­არ­გებ. დარ­წმუ­ნე­ბუ­ლი იყა­ვით, მა­თი ნა­წი­ლი მა­ლე დაბ­რუნ­დე­ბა ცი­ხე­ში. ამ პა­ტიმ­რებს ხომ ჰყავ­დათ ახ­ლობ­ლე­ბი? ფუ­ლი ხომ სჭირ­დე­ბათ? ვი­საც რი­თი შე­უძ­ლი­ა, იმით ირ­ჩენს თავს, შე­იძ­ლე­ბა ჰქონ­დათ და­მა­ლუ­ლი ია­რა­ღი, მყიდ­ვე­ლიც გა­მოჩ­ნდა და ყი­დი­ან.

- და­ახ­ლო­ე­ბით რა ფა­სად შე­იძ­ლე­ბა შავ ბა­ზარ­ზე ია­რა­ღის შე­ძე­ნა?

- ახ­ლა ცო­ტა გაძ­ვი­რე­ბუ­ლი­ა. "მა­კა­რო­ვი" და "ტე­ტე" სის­ტე­მის ია­რა­ღი 700-800 ლა­რამ­დე ღირს. მა­ღა­ზი­ა­ში იმი­ტომ არ ყი­დუ­ლო­ბენ ია­რაღს, რომ იქ მყიდ­ველს აკონ­ტრო­ლე­ბენ, ყვე­ლა­ზე არ იყი­დე­ბა, შავ ბა­ზარ­ზე ყიდ­ვა კი უფ­რო ად­ვი­ლია და ია­ფი­ა. ავ­ტო­მა­ტუ­რი ია­რა­ღის კერ­ძო პირ­ზე გა­ყიდ­ვას კა­ნო­ნი კრძა­ლავს".

თუმ­ცა არ­სე­ბუ­ლი ინ­ფორ­მა­ცი­ით, "სიკ­ვდი­ლით მო­ვაჭ­რე­ე­ბი" ია­რა­ღის მა­რა­გე­ბის შე­სა­ვსე­ბად სხვა ხერ­ხსაც მი­მარ­თა­ვენ. კერ­ძოდ, ია­რა­ღის მა­ღა­ზი­ებ­ში ყი­დუ­ლო­ბენ სა­ქო­ნელს და შემ­დეგ ისე გა­და­ა­კე­თე­ბენ ხოლ­მე, რომ თუ რა­ი­მე მოხ­და (­მა­გა­ლი­თად, და­ნა­შა­უ­ლი), აღ­ნიშ­ნუ­ლი ია­რა­ღის იდენ­ტი­ფი­ცი­რე­ბა შე­უძ­ლე­ბე­ლი იყოს. ია­რა­ღის მა­ღა­ზია "ქა­რა­ვა­ნის" დი­რექ­ტო­რი ნუგ­ზარ ფა­რა­დაშ­ვი­ლი აცხ­ა­დებს, რომ მარ­თლაც არის შე­საძ­ლე­ბე­ლი მა­ღა­ზი­ა­ში შე­ძე­ნი­ლი ია­რა­ღის ისე გა­და­კე­თე­ბა, რომ მან კვა­ლი არ და­ტო­ვოს. "რა თქმა უნ­და, ეს შე­საძ­ლე­ბე­ლი­ა, მაგ­რამ ჩვენ კრი­მი­ნა­ლებ­თან საქ­მე არ გვაქვს და მეტს ვე­რა­ფერს გეტყ­ვით", - ამ­ბობს ფა­რა­დაშ­ვი­ლი.

რაც შე­ე­ხე­ბა ია­რა­ღის ლე­გა­ლურ შემ­ძე­ნებს, ფა­რა­დაშ­ვი­ლის ცნო­ბით, სა­ქარ­თვე­ლო­ში ყვე­ლა­ზე დი­დი ოდე­ნო­ბით სა­ნა­დი­რო ია­რა­ღი იყი­დე­ბა.

"მი­სი ფა­სი 500-დან 25.000 ლა­რამ­დე გა­ნი­საზღ­ვრე­ბა. სა­ნა­დი­რო ია­რაღს ხშირ შემ­თხვე­ვა­ში ქა­ლე­ბიც ყი­დუ­ლო­ბენ. მე­ო­რე ად­გილ­ზეა პის­ტო­ლე­ტის ტი­პის ია­რა­ღი. ასე­თი ია­რა­ღი ყვე­ლა­ზე ძვი­რი სა­ქარ­თვე­ლო­შია, რად­გან მე­სა­მე და მე­ოთხე ხე­ლით ხდე­ბა ჩვენში ამ ტი­პის ცეცხ­ლსას­რო­ლი ია­რა­ღის შე­მო­ტა­ნა. ევ­რო­პა უარს ეუბ­ნე­ბა სა­ქარ­თვე­ლოს პის­ტო­ლე­ტის მი­წო­დე­ბა­ზე, იმი­ტომ, რომ მათ იცი­ან ჩვე­ნი ხალ­ხის ხა­სი­ა­თი. მწარ­მო­ე­ბე­ლი ქარ­ხა­ნა ია­რაღს ჯერ დი­ლერს აწ­ვდის, დი­ლე­რი თა­ვის დი­ლერს და ამის შემ­დეგ შე­მო­დის სა­ქარ­თვე­ლო­ში. პირ­და­პირ ქარ­ხნი­დან მო­წო­დე­ბუ­ლი ია­რა­ღის ფა­სი 2.000-3.000 ლა­რამ­დე გა­ნი­საზღ­ვრე­ბა, შე­მოვ­ლი­თი გზე­ბით მი­ღე­ბუ­ლი კი 5.000 ლა­რამ­დე ღირს. დი­დია მოთხ­ოვ­ნა წი­წა­კის ხსნარ­ზე, მაგ­რამ მი­სი შე­მო­ტა­ნა ვერ ხერ­ხდე­ბა, კა­ნო­ნით ეს ნე­ბა­დარ­თუ­ლი­ა, უბ­რა­ლოდ, სა­ბა­ჟო­ზე ვერ ხდე­ბა სტან­დარ­ტის დად­გე­ნა, შე­უ­სა­ბა­მო­ბა­შია კა­ნონ­თან. ისე, ბო­ლო დროს ძა­ლი­ან შემ­ცირ­და მოთხ­ოვ­ნა ცეცხ­ლსას­როლ ია­რაღ­ზე და არც არის სა­ჭი­რო. ტი­რიც არ არ­სე­ბობს სა­ქარ­თვე­ლო­ში, სა­დაც შე­იძ­ლე­ბა ადა­მი­ან­მა ია­რა­ღი­სად­მი თა­ვის ჟი­ნი და­იკ­მა­ყო­ფი­ლოს", - ამ­ბობს ფა­რა­დაშ­ვი­ლი.

მოკ­ლედ, ასეა თუ ისე­ა, ალ­ბათ, იარაღის შავი ბაზრით შე­სა­ბა­მი­სი სამ­სა­ხუ­რე­ბი მარ­თლაც სე­რი­ო­ზუ­ლად უნ­და და­ი­ნტე­რეს­დნენ. რამ­დე­ნი­მე დღე­ში ამო­ღე­ბუ­ლი 20-ზე მე­ტი ცეცხ­ლსას­რო­ლი ია­რა­ღი მცი­რე ნამ­დვი­ლად არ არის. თუ გა­დამ­ჭრელ­მა ზო­მებ­მა და­იგ­ვი­ა­ნა, მე­რე შე­იძ­ლე­ბა უკ­ვე გვი­ან იყოს...

სა­ქარ­თვე­ლოს კა­ნონ­მდებ­ლო­ბით, მო­ქა­ლა­ქეს­ (ა­რა­ნა­სა­მარ­თლევს) შე­ნახ­ვის უფ­ლე­ბით შემ­დე­გი სა­ხის ია­რა­ღის შე­ძე­ნა შე­უძ­ლი­ა: თავ­დაც­ვის მოკ­ლე­ლუ­ლი­ანი ცეცხ­ლსას­როლი ია­რა­ღი; სპორ­ტუ­ლი მოკ­ლე ხრახ­ნილ­ლუ­ლი­ა­ნი ცეცხ­ლსას­როლი ია­რა­ღი; შე­ნახ­ვი­სა და ტა­რე­ბის უფ­ლე­ბის მი­ღე­ბა კი, მო­ქა­ლა­ქეს შემ­დე­გი ტი­პის ია­რა­ღებ­ზე შე­უძ­ლი­ა: თავ­დაც­ვის გა­ზის (ა­ი­რის) ია­რა­ღი; სა­ნა­დი­რო ცეცხ­ლსას­რო­ლი ია­რა­ღი; სპორ­ტუ­ლი გრძელ­ლუ­ლი­ა­ნი ცეცხ­ლსას­როლი ია­რა­ღი; სპორ­ტული მოკ­ლე გლუვ­ლუ­ლი­ა­ნი ცეცხ­ლსას­როლ ია­რა­ღი; თავ­დაც­ვის ან სპორ­ტული მოკ­ლე ხრახ­ნილ­ლუ­ლი­ანი ცეცხ­ლსას­რო­ლი ია­რა­ღი.

ყველაზე პოპულარული პისტოლეტები

ბერეტა

მასა - 0,900-0,950 კგ.

ლულის სიგრძე - 109-125 მმ

კალიბრი - 9-10 მმ

8-15-ვაზნიანი მჭიდი

გლოკი

მასა - 0,625 კგ

ლულის სიგრძე - 114 მმ

კალიბრი - 9 მმ

17,19 ან 33-ვაზნიანი მჭიდი

მაკაროვი

მასა - 0,73 კგ

ლულის სიგრძე - 93,5 მმ

კალიბრი - 9 მმ

8-ვაზნიანი

კოლოფისებური მჭიდი

ნათია დოლიძე

თამარ ბოჭორიშვილი

ყოველკვირეული გაზეთი "ყველა სიახლე"

(გამოდის ოთხშაბათობით)