შონ კონერი მეხსიერებას კარგავს

ჰოლივუდის მსახიობ შონ კონერს ალცჰეიმერის დაავადების სიმპტომები აღენიშნება. 82 წლის მსახიობის მეგობარმა მაიკლ კეინმა ჟურნალისტებს განუცხადა, რომ დაახლოებით ორი წლის წინ კონერმა კინემატოგრაფიისადმი ინტერესი დაკარგა. ახლა კი მსახიობი გონებაგაფანტულია და ავიწყდება, რას აკეთებდა ხუთი წუთის წინ.

ამასთან, კონერის ოფიციალურმა წარმომადგენლებმა ვარსკვლავის მეგობრის სიტყვები უარყვეს და განაცხადეს, რომ ყველაფერი არც ისე ცუდადაა.

შონ კონერმა 70-ზე მეტ ფილმში მიიღო მონაწილეობა, მათ შორის "ბონდის" 7 სერიაში. მთავარი ჯილდო "ოსკარი" მსახიობმა 1988 წელს ფილმში "ხელშეუხებელნი" პოლიციელ ჯიმ მელოუნის როლის შესრულებისთვის მიიღო.

მომზადებულია focus.ua-ს მიხედვით.