მომღერალი რიანა პოპულარულმა ჟურნალმა Billboard-მა ათწლეულის შემსრულებლად დაასახელა. წელს გამოცემას 55 წელი შეუსრულდა, ამიტომ მათ ტრადიციული რეიტინგის ნაცვლად, ერთგვარი შემაჯამებელი რეიტინგი გააკეთეს, სადაც გააერთიანეს ყველა დროის ჰიტები და ბოლო შვიდი ათწლეულის საუკეთესო მომღერლები.
50-60-იანი წლების ვარსკვლავად ჯგუფი The Beatles-ი დასახელდა. 70-იან წლებში Bee Gees-მა გაიმარჯვა. მადონა 80-იანი წლების საუკეთესო შემსრულებლად აღიარეს. 90-იანებში დღესაც არანაკლებ პოპულარული მერაია ქერი ლიდერობს. 2000-იან წლებში საუკეთესოდ აშერი დასახელდა, მიმდინარე ათწლეულის საუკეთესო შემსრულებლის ტიტული კი რიანას მიენიჭა.
რეიტინგს მცირეოდენი სკანდალიც მოყვა. ჟურნალის მკითხველი მადონას მაიკლ ჯექსონით შეცვლას ითხოვს, ხოლო 2000-იანების არჩევანმა ხალხი საერთოდ გაუგებრობაში ჩააგდო.
Billboard ყველა დროის საუკეთესო ჰიტების ტოპ-ასეულის სათავეში ჩაბი ჩეკერის The Twist-ი მოექცა.
მომზადებულია Billboard-ის მიხედვით.
