დავით საყვარელიძე - "ქართული ოცნების" აქტივისტები ზუგდიდში პრაიმერის ჩაშლას გეგმავენ
"ნაციონალური მოძრაობის" ინფორმაციით, ხელისუფლება ზუგდიდში პარტიის წინასაარჩევნო პრაიმერის ჩაშლას ცდილობს. როგორც "ნაციონალური მოძრაობის" ერთ-ერთმა ლიდერმა დავით საყვარელიძემ განაცხადა, გამგებლების დავალებით ხდება "ქართული ოცნების" აქტივისტების მობილიზება სამეგრელოს ყველა სოფლიდან.
"ორი ათას კაცამდე ადამიანის მობილიზებაა დაგეგმილი, რათა დღევანდელი პროცესი ჩაიშალოს. ეს არ გახლავთ რომელიმე უკმაყოფილო ჯგუფის მიერ მოყვანილი ხალხი, ან რომელიმე უკმაყოფილო ჯგუფის აქცია, ეს არის ხელისუფლების მიერ ორგანიზებული აქცია, რათა ჩაიშალოს და ხელი შეეშალოს "ნაციონალური მოძრაობის" წინასაარჩევნო კამპანიას", - აღნიშნა საყვარელიძემ.
მისივე თქმით, აღნიშნული ქმედება დიამეტრალურად ეწინააღმდეგება პრემიერ-მინისტრის ბიძინა ივანიშვილის განცხადებას, არჩევნების თავისუფალ გარემოში ჩატარებასთან დაკავშირებით.
"ჩნდება სერიოზულ კითხვები იმასთან დაკავშირებით, რამდენად თავისუფალი იქნება საქართველოში არჩევნები", - აცხადებს დავით საყვარელიძე.
დეპუტატის თქმით, ამ ყველაფერის ორგანიზატორები პარლამენტის აპარატის თანამშრომელი კახა მიქაია და ზუგდიდის გამგებელი ლალი ანთიაა.
დღეს, "ნაციონალური მოძრაობის" პრაიმერი ზუგდიდში 15.00 საათზე გაიმართება.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
