სკან­და­ლი გა­ერ­თი­ა­ნე­ბუ­ლი წყალ­მო­მა­რა­გე­ბის კომ­პა­ნი­ა­ში

სა­ქარ­თვე­ლოს გა­ერ­თი­ა­ნე­ბუ­ლი წყალ­მო­მა­რა­გე­ბის კომ­პა­ნი­ის ბუ­ღალ­ტრუ­ლი სამ­მარ­თვე­ლოს უფ­რო­სის ყო­ფი­ლ მო­ად­გი­ლე ბე­ქა გე­თი­აშ­ვი­ლს ფი­ზი­კუ­რი შე­უ­რაცხ­ყო­ფა ამა­ვე უწყ­ე­ბის წარ­მო­მად­გენ­ლებ­მა მი­ა­ყე­ნეს. და­ზა­რა­ლე­ბულს ექი­მებ­მა ტვი­ნის შერ­ყე­ვა და თა­ვის რბი­ლი ქსო­ვი­ლე­ბის შე­შუ­პე­ბა და­უდ­გი­ნეს. მომ­ხდა­რის დე­ტა­ლე­ბის გა­სარ­კვე­ვად გა­ზე­თი "ყვე­ლა სი­ახ­ლე" ბე­ქა გე­თი­აშ­ვილს და­უ­კავ­შირ­და.

- თქვენ­სა და სა­ქარ­თვე­ლოს გა­ერ­თი­ა­ნე­ბუ­ლი წყალ­მო­მა­რა­გე­ბის კომ­პა­ნი­ის ხელ­მძღვა­ნე­ლო­ბას შო­რის კონ­ფლიქ­ტი რო­დის და­იწყ­ო?

- ინ­ფრას­ტრუქ­ტუ­რი­სა და რე­გი­ო­ნუ­ლი გან­ვი­თა­რე­ბის სა­მი­ნის­ტროს დაქ­ვემ­დე­ბა­რე­ბა­ში არ­სე­ბულ სა­ქარ­თვე­ლოს გა­ერ­თი­ა­ნე­ბულ წყალ­მო­მა­რა­გე­ბის კომ­პა­ნი­ა­ში 2011 წლი­დან ვმუ­შა­ობ­დი. კომ­პა­ნი­ის ბუ­ღალ­ტრუ­ლი აღ­რიცხ­ვის სამ­მარ­თვე­ლოს უფ­რო­სის მო­ად­გი­ლის თა­ნამ­დე­ბო­ბა მე­კა­ვა. 2013 წლის მარ­ტში მა­მა გარ­და­მეც­ვა­ლა. იგი აგო­ნი­ა­ში იყო, რო­ცა სამ­სა­ხუ­რი­დან ერ­თი დღით გაშ­ვე­ბა ვითხ­ო­ვე, დავ­ხე­დავ მა­მას და ჩა­მო­ვალ­-მეთ­ქი, გა­მიშ­ვეს, თუმ­ცა მა­ლე­ვე მე­სი­ჯი მომ­წე­რეს - შენ­ზე ბრძა­ნე­ბაა და გა­ე­ცა­ნი­ო. რო­გორც შემ­დეგ გა­ვარ­კვი­ე, სამ­სა­ხუ­რი­დან გა­თა­ვი­სუფ­ლე­ბის ბრძა­ნე­ბა ყო­ფი­ლა. აღ­მოჩ­და, რომ მა­შინ, რო­ცა ძა­ლი­ან ცუ­დად მყო­ფი მა­მის სა­ნა­ხა­ვად წა­ვე­დი, სამ­სა­ხუ­რი­დან გა­მა­თა­ვი­სუფ­ლეს. რო­ცა ჩა­მო­ვე­დი, მი­ზე­ზის ახ­სნა მო­ვითხ­ო­ვე. მი­ზე­ზი არ ჰქონ­დათ, მე ჩემს საქ­მეს პირ­ნათ­ლად ვას­რუ­ლებ­დი. არა­ნა­ი­რი გაფ­რთხი­ლე­ბა არ მქო­ნი­ა. მოგ­ვი­ა­ნე­ბით, ფი­ნან­სუ­რი დე­პარ­ტა­მენ­ტის უფ­როს­მა გუ­რამ ბლი­ა­ძემ და­მი­რე­კა, შენ­თან სა­უ­ბა­რი მსურ­სო. რო­ცა მი­ვე­დი მითხ­რა, რა­ღაც გა­უ­გებ­რო­ბა მოხ­და და სამ­სა­ხურ­ში აღ­გად­გი­ნე­თო. რა თქმა უნდა, დავ­თან­ხმდი. ამ ამ­ბი­დან თვე-­ნა­ხე­ვარ­ში, 28 ივ­ნისს, იმა­ვე ადა­მი­ან­მა და­მი­ბა­რა და მითხ­რა, რომ აღარ ვჭირ­დე­ბო­დი და შე­მეძ­ლო 1-ე­ლი ივ­ლი­სი­დან სამ­სა­ხურ­ში არ მივ­სუ­ლი­ყა­ვი. რო­გორც აღ­მოჩ­ნდა, უჩე­მოდ რა­ღა­ცებს თა­ვი ვერ გა­არ­თვეს. დავ­ჭირ­დი და ამიტომ და­მაბ­რუ­ნეს, და არა იმის გა­მო, რომ უსა­მარ­თლოდ მო­მექ­ცნენ.

- მე­რე რა მოხ­და?

- სახ­ლში მი­ვე­დი და სო­ცი­ა­ლურ ქსელ "ფე­ის­ბუქ­ში" ჩემს პი­რად გვერ­დზე გამ­წა­რე­ბულ­მა ვი­დეო გა­ვა­ზი­ა­რე გარ­კვე­უ­ლი შე­უ­რაცხ­მყო­ფე­ლი კო­მენ­ტა­რით. შემ­დგომ მივ­ხვდი, რომ არას­წო­რი საქ­ცი­ე­ლი იყო ჩე­მი მხრი­დან და წავ­შა­ლე. პი­რად სა­უ­ბარ­ში კი შე­უ­რაცხ­ყო­ფა არა­ვის­თვის მი­მი­ყე­ნე­ბი­ა. მე­ო­რე დღეს იმა­ვე გუ­რამ ბლი­ა­ძემ და­მი­რე­კა და მითხ­რა, რომ დი­რექ­ტო­რის მო­ად­გი­ლე ფი­ნან­სურ სა­კითხ­ებ­ში კა­ხა­ბერ სო­ლო­ღაშ­ვი­ლი მი­ბა­რებ­და. მი­ვე­დი. მე­ო­რე სარ­თულ­ზე ას­ვლას ვა­პი­რებ­დი, სა­დაც დი­რექ­ტო­რის მო­ად­გი­ლე იჯ­და, მაგ­რამ დაც­ვამ გან­მიცხ­ა­და, რომ დი­რექ­ტო­რის მო­ად­გი­ლე 0 სარ­თულ­ზე, სა­კონ­ფე­რენ­ციო დარ­ბაზ­ში ჩა­მო­ვი­დო­და და იქ უნ­და დავ­ლო­დე­ბო­დი. სა­კონ­ფე­რენ­ციო დარ­ბაზ­ში კო­მერ­ცი­უ­ლი უსაფ­რთხო­ე­ბი­სა და დაც­ვის სამ­-სა­მი თა­ნამ­შრო­მე­ლი შე­მო­ვი­და. მკითხ­ეს, რი­თი ვი­ყა­ვი უკ­მა­ყო­ფი­ლო. გან­ვუცხ­ა­დე, რომ უსა­მარ­თლოდ მო­მექ­ცნენ და ეს მათ­თან სა­ლა­პა­რა­კო თე­მა არ იყო. ამის შემ­დეგ ერ­თ-ერ­თი მო­ვი­და და მთე­ლი ძა­ლით უკ­ნი­დან თავ­ში ჩა­მარ­ტყა, გა­ვი­თი­შე და წა­ვი­ქე­ცი. ამის შემდეგაც გა­აგ­რძე­ლეს ჩე­მი ცე­მა და სიტყ­ვი­ე­რი შე­უ­რაცხ­ყო­ფა. ბო­ლოს, რო­გორც იქ­ნა, გა­მო­მიშ­ვეს. გა­მოს­ვლის­თა­ნა­ვე მივ­მარ­თე ვა­ჟა-ფშა­ვე­ლა­ზე მდე­ბა­რე პო­ლი­ცი­ის გან­ყო­ფი­ლე­ბას და ჩვე­ნე­ბა მი­ვე­ცი. პო­ლი­ცი­ამ სას­წრა­ფო გა­მო­ი­ძა­ხა,­ სას­წრა­ფომ კი ქი­რურ­გი­ის ინ­სტი­ტუტ­ში გა­და­მიყ­ვა­ნა. ექი­მებ­მა ტვი­ნის შერ­ყე­ვა და თა­ვის რბი­ლი ქსო­ვი­ლე­ბის და­ზი­ა­ნე­ბა და­მიდ­გი­ნეს. ჩამ­ტვრე­უ­ლი მაქვს კბი­ლიც.

- სა­მი­ნის­ტრო­სა და კომ­პა­ნი­ის ხელ­მძღვა­ნე­ლო­ბამ თუ გა­ი­გო ეს ამ­ბა­ვი და რა­მე რე­ა­გი­რე­ბა თუ იყო?

- რო­გორც ვი­ცი, საქ­მის კურ­სში არი­ან. მაგ­რამ არა­ვინ დამ­კავ­ში­რე­ბია და არა­ფე­რი უკითხ­ვათ. ჩემ­თვის არა­ვის მო­უ­მარ­თავს. გა­მომ­ძი­ე­ბელ­მა კი მითხ­რა, კომ­პა­ნი­ის წარ­მო­მად­გენ­ლე­ბი დავ­კითხ­ე­ო, სხვა წყა­რო­ე­ბი­დან შე­ვიტყ­ვე, რომ უთ­ქვამთ, თით­ქოს სა­კუ­თა­რი ინი­ცი­ა­ტი­ვით მი­ვე­დი კომ­პა­ნი­ა­ში და ვა­გი­ნე. ლო­გი­კა სა­და­ა?! მარ­ტო მი­ვე­დი დაც­ვის ექვს თა­ნამ­შრო­მელ­თან და გი­ნე­ბა და­ვუწყ­ე?! სა­კონ­ფე­რენ­ციო დარ­ბა­ზის შე­სას­ვლელ­ში კა­მე­რე­ბი დგას და იქ აუ­ცი­ლებ­ლად იქ­ნე­ბა და­ფიქ­სი­რე­ბუ­ლი, რო­გორ შევ­დი­ვარ სა­კონ­ფე­რენ­ციო დარ­ბაზ­ში. არ მახ­სოვს, არის თუ არა კა­მე­რე­ბი თვი­თონ დარ­ბაზ­ში, მაგ­რამ დი­დი ალ­ბა­თო­ბით უნ­და იყოს.

"ყვე­ლა სი­ახ­ლე" მე­ო­რე მხა­რის პო­ზი­ცი­ი­თაც და­ინ­ტე­რეს­და და სა­ქარ­თვე­ლოს გა­ერ­თი­ა­ნე­ბულ წყალ­მო­მა­რა­გე­ბის კომ­პა­ნი­ას და­უ­კავ­შირ­და.

რო­გორც გა­ზეთ­თან სა­უბ­რი­სას კომ­პა­ნი­ის პრეს­სამ­სა­ხუ­რის უფ­როს­მა სო­ფო ნი­კო­ლა­იშ­ვილ­მა გა­ნაცხ­ა­და, გე­თი­აშ­ვი­ლი შე­ნო­ბა­ში გი­ნე­ბით შე­ვი­და, დაც­ვის წევ­რებმა კი დე­დის გი­ნე­ბა არ აპა­ტი­ეს.

- მან ძა­ლი­ან კარ­გად იცო­და, რომ გა­თა­ვი­სუფ­ლე­ბუ­ლი იყო, მაგ­რამ ქუ­ჩი­დან შე­ნო­ბა­ში გი­ნე­ბით შე­მო­იჭ­რა. ჩვენ ხელ­შეკ­რუ­ლე­ბე­ბით აგ­ვყავს ადა­მი­ა­ნე­ბი და ხელ­შეკ­რუ­ლე­ბის ვა­დის ამო­წურ­ვის შემ­დეგ, იმის მი­ხედ­ვით, თუ რამ­დე­ნად პრო­დუქ­ტი­უ­ლია მი­სი მუ­შა­ო­ბა და რამ­დე­ნად სა­ჭი­როა ის კომ­პა­ნი­ის­თვის, ვუშ­ვებთ, ან ვტო­ვებთ. ეს ადა­მი­ა­ნი მო­ვი­და ქუ­ჩი­დან, შე­ა­გი­ნა დაც­ვის თა­ნამ­შრო­მელს და მოხ­და და­პი­რის­პი­რე­ბა. წმინ­და ქარ­თუ­ლი მო­მენ­ტი იყო.

- რო­გორც და­ზა­რა­ლე­ბუ­ლი აცხ­ა­დებს, მას ფი­ნან­სუ­რი დე­პარ­ტა­მენ­ტის უფ­როს­მა გუ­რამ ბლი­ა­ძემ და­უ­რე­კა და ამი­ტომ მი­ვი­და მე­ო­რე დღით კომ­პა­ნი­ა­ში.

- არ ვი­ცი, შე­იძ­ლე­ბა ვინ­მემ მარ­თლაც და­უ­რე­კა ფი­ნან­სუ­რი გან­ყო­ფი­ლე­ბი­დან სულ სხვა საქ­მე­ზე, მაგ­რამ ის მო­ვი­და გი­ნე­ბით. რო­დე­საც შე­მო­ვი­და შე­ნო­ბა­ში, სიტყ­ვი­ე­რი შე­უ­რაცხ­ყო­ფა მი­ა­ყე­ნა ჩვენს თა­ნამ­შრო­მელს. კა­ცე­ბი არი­ან და რაც მოხ­და, წმინ­და ქარ­თუ­ლი თე­მა­ა. ვე­რა­ფერს აა­გო­რე­ბენ აქე­დან. სი­სუ­ლე­ლე­ა!..

- და­პი­რი­სი­პი­რე­ბა სა­კონ­ფე­რენ­ციო დარ­ბაზ­ში შეს­ვლამ­დე მოხ­და თუ შეს­ვლის შემ­დეგ? შე­ნო­ბა­ში კა­მე­რე­ბი ხომ არის? წე­სით, ყვე­ლა­ფე­რი და­ფიქ­სი­რე­ბუ­ლი უნ­და იყოს...

- ეს ადა­მი­ა­ნი ჰყვე­ბა თა­ვის სა­სარ­გებ­ლოდ, ჩვე­ნი დაც­ვის თა­ნამ­შრო­მე­ლი ჰყვე­ბა ისე, რო­გორც იყო - გე­თი­აშ­ვილ­მა შე­ა­გი­ნა, მან კი სცე­მა.

მა­რი ონე­ზაშ­ვი­ლი

ყოველკვირეული გაზეთი "ყველა სიახლე"

(გამოდის ოთხშაბათობით)