"პუ­ტი­ნი სა­ქარ­თვე­ლოს­თან ნდო­ბის აღ­დგე­ნის გზებს ეძებს"

სა­ქარ­თვე­ლო­სა და რუ­სეთ­ში მიმ­დი­ნა­რე პრო­ცე­სებ­ზე, რე­გი­ონ­ში შექ­მნილ ვი­თა­რე­ბა­ზე რუ­სი პო­ლი­ტო­ლო­გი, რე­გი­ო­ნუ­ლი უსაფ­რთხო­ე­ბი­სა და კავ­კა­სი­ის პრობ­ლე­მე­ბის ცენ­ტრის ექ­სპერ­ტი ნი­კო­ლაი სი­ლა­ე­ვი გვე­სა­უბ­რე­ბა.

- სა­ქარ­თვე­ლო­ში უცხო ქვეყ­ნის, სა­ვა­რა­უ­დოდ, რუ­სე­თის მო­ქა­ლა­ქე­ე­ბი - რიზ­ვან ომა­რო­ვი და მი­კა­ილ კა­დი­ე­ვი და­ა­კა­ვეს. სა­ქარ­თვე­ლოს შსს-ს თავ­და­პირ­ვე­ლი გან­ცხა­დე­ბით, აღ­ნიშ­ნუ­ლი და­კა­ვე­ბით ტე­რაქ­ტის მცდე­ლო­ბა აღიკ­ვე­თა. თუმ­ცა ბრა­ლი მათ ია­რა­ღი­სა და ასა­ფეთ­ქე­ბე­ლი ნივ­თი­ე­რე­ბის უკა­ნო­ნოდ შე­ნახ­ვის­თვის შე­ე­ფარ­დათ.

- ეს არ არის პირ­ვე­ლი შემ­თხვე­ვა, რო­ცა სა­ქარ­თვე­ლო­ში ასე­თი ადა­მი­ა­ნე­ბი ხვდე­ბი­ან, ეს მი­მარ­თუ­ლე­ბა რუ­სე­თის შე­სა­ბა­მი­სი სამ­სა­ხუ­რე­ბის­თვის უმ­ნიშ­ვნე­ლო­ვა­ნე­სი­ა. თუ და­კა­ვე­ბუ­ლებს მარ­თლაც აქვთ კავ­ში­რი ტე­რაქ­ტის მზა­დე­ბას­თან, ეს იქ­ნე­ბა ნი­შა­ნი იმი­სა, რომ ორი ქვეყ­ნის სპეც­სამ­სა­ხუ­რე­ბის აქ­ტი­უ­რი თა­ნამ­შრომ­ლო­ბა შე­საძ­ლე­ბე­ლი­ა...

- რუ­სე­თის პრე­ზი­დენ­ტმა ვლა­დი­მირ პუ­ტინ­მა სა­ქარ­თვე­ლოს­თან სა­ვი­ზო რე­ჟი­მის გა­მარ­ტი­ვე­ბის სა­კითხი სწო­რედ უსაფ­რთხო­ე­ბის თე­მას და­უ­კავ­ში­რა?

- პუ­ტი­ნი მი­იჩ­ნევს, რომ ერ­თობ­ლი­ვი ძა­ლე­ბით მუ­შა­ო­ბა სო­ჭის ოლიმ­პი­ა­დის უსაფ­რთხო­ე­ბის უზ­რუნ­ველ­სა­ყო­ფად შე­საძ­ლე­ბე­ლი­ა, უსაფ­რთხო­ე­ბა კი ფარ­თო სა­კითხია და რო­გორც ჩანს, ტე­რო­რიზ­მთან ბრძო­ლა­საც ით­ვა­ლის­წი­ნებს. მოს­კო­ვი მზად არის ამ სა­კითხ­ზე დი­ა­ლო­გის­თვის, მი­უ­ხე­და­ვად ორ ქვე­ყა­ნას შო­რის დიპ­ლო­მა­ტი­უ­რი ურ­თი­ერ­თო­ბე­ბის არარ­სე­ბო­ბი­სა, რაც შე­ე­ხე­ბა სა­ვი­ზო სა­კითხს, ვფიქ­რობ, ამ პრობ­ლე­მის გან­სა­ხილ­ვე­ლად პუ­ტი­ნი კი­დევ უფ­რო ღი­ა­ა, ვიდ­რე მი­სი ხელ­ქვე­ი­თე­ბი. ეს ადას­ტუ­რებს, რომ რუ­სულ­-ქარ­თუ­ლი ურ­თი­ერ­თო­ბე­ბი კრემ­ლის­თვის საკ­მა­ოდ მნიშ­ვნე­ლო­ვა­ნი­ა, ასე რომ, მათ გან­ვი­თა­რე­ბას ფრთხი­ლი ოპ­ტი­მიზ­მით ვუ­ყუ­რებ.

- აფ­ხა­ზეთ­სა და ე.წ. სამ­ხრეთ ოსეთ­ში შექ­მნი­ლი სი­ტუ­ა­ცი­ის შე­ფა­სე­ბი­სას რუ­სე­თის პრე­ზი­დენ­ტმა თქვა, რომ მოს­კო­ვი არა­ფერ­შია დამ­ნა­შა­ვე და ვერც აღი­ა­რე­ბას წა­ი­ღებს უკან, მე­ო­რე მხრივ კი, იმ წი­თელ ხა­ზებ­ზე ისა­უბ­რა, რო­მელ­საც სა­ქარ­თვე­ლოს ვერც ერ­თი ხე­ლი­სუფ­ლე­ბა გა­და­ვა.

- ვფიქ­რობ, ეს აღი­ა­რე­ბა გარ­და­უ­ვა­ლი ნა­ბი­ჯი იყო იმ ძალ­ზე დრა­მა­ტულ სი­ტუ­ა­ცი­ა­ში. რაც შე­ე­ხე­ბა აღი­ა­რე­ბის უკან წა­ღე­ბას, ამ­გვა­რი პრე­ცე­დენ­ტის არ­სე­ბო­ბა სა­ერ­თა­შო­რი­სო პრაქ­ტი­კა­ში ჩემ­თვის უც­ნო­ბი­ა, რუ­სე­თი ამა­ზე არ წა­ვა.

- მა­შინ, შე­საძ­ლე­ბე­ლია კი სტა­ტუ­სის სა­კითხ­ზე რა­ი­მე კომ­პრო­მი­სის მიღ­წე­ვა?

- ახ­ლა უფ­რო არა სტა­ტუს­ზე, არა­მედ პრაქ­ტი­კულ სა­კითხ­ებ­ზე უნ­და ვი­ლა­პა­რა­კოთ: ეკო­ნო­მი­კურ პრობ­ლე­მებ­ზე, საზღ­ვრის გა­დაკ­ვე­თა­ზე, შე­ი­ა­რა­ღე­ბულ ინ­ცი­დენ­ტებ­ზე. ჩე­მი აზ­რით, რო­გორც ჰუ­მა­ნი­ტა­რუ­ლი, ისე ეკო­ნო­მი­კუ­რი თვალ­საზ­რი­სით, ძალ­ზე მნიშ­ვნე­ლო­ვა­ნია აფ­ხა­ზე­თის რკი­ნიგ­ზის აღ­დგე­ნა.

- რამ­დე­ნი­მე დღე­ა, ქარ­თუ­ლი ღვი­ნო მოს­კოვ­სა და რუ­სე­თის სხვა ქა­ლა­ქე­ბის მა­ღა­ზი­ებ­ში იყი­დე­ბა, კრემ­ლის მა­ღალ­ჩი­ნოს­ნე­ბი აცხ­ა­დე­ბენ, რომ ეს სა­ქარ­თვე­ლოს­თვის უფ­რო მნიშ­ვნე­ლო­ვა­ნი­ა, ვიდ­რე რუ­სე­თის­თვის.

- არ და­ვიწყ­ებ­დი ან­გა­რიშს, ვინ მეტ სარ­გე­ბელს ნა­ხავს აქე­დან, თუმ­ცა ახ­ლა თი­თო­ე­უ­ლი მხა­რე ცდი­ლობს, მე­ო­რის­კენ გა­დად­გმუ­ლი შემ­ხვედ­რი ნა­ბი­ჯი რაც შე­იძ­ლე­ბა ძვი­რად გა­ყი­დოს. ნორ­მა­ლუ­რი და ლო­გი­კუ­რი­ა, რომ ქარ­თუ­ლი ღვი­ნო ისევ გა­მოჩ­ნდა ჩვე­ნი მა­ღა­ზი­ე­ბის თა­რო­ებ­ზე, რად­გან ქარ­თუ­ლი ღვი­ნო შე­სა­ნიშ­ნა­ვია და ის რუ­სეთ­ში უყ­ვართ. არა­ნორ­მა­ლუ­რი ის იყო, წლე­ბის გან­მავ­ლო­ბა­ში რომ არ შე­მოჰ­ქონ­დათ; ღვი­ნის ექ­სპორ­ტის გა­ნახ­ლე­ბა მთლი­ა­ნად ქარ­თულ ეკო­ნო­მი­კა­ზე გა­დამ­წყვეტ გავ­ლე­ნას ვერ მო­ახ­დენს, თუმ­ცა, თუ ეს ყურ­ძნის შემ­სყიდ­ველ ფასს გაზ­რდის, ამით ქარ­თვე­ლი გლე­ხი მო­ი­გებს. ღვი­ნის გარ­და სხვა ქარ­თუ­ლი სპირ­ტი­ა­ნი სას­მე­ლიც უნ­და შე­მო­ვი­დეს, მხო­ლოდ ღვი­ნით შე­მო­ფარ­გვლა შეც­დო­მა­ა.

- ამ­ბობთ, ქარ­თუ­ლი ღვი­ნო შე­სა­ნიშ­ნა­ვი­ა­ო, თუმ­ცა, რუ­სე­თის მთა­ვა­რი სა­ნი­ტა­რი ონი­შენ­კო ასე არ ფიქ­რობს, მან არა­ერ­თხელ გა­ნაცხ­ა­და, რომ ქარ­თუ­ლი ალ­კო­ჰო­ლუ­რი სას­მე­ლე­ბი და­ბა­ლი ხა­რის­ხი­სა­ა.

- არ ვი­ცი, რა­ტომ აკე­თებს ის ამ­გვარ გან­ცხა­დე­ბებს, რო­გორც ვი­ცი, ონი­შენ­კო სა­ერ­თოდ არ სვამს და რის სა­ფუძ­ველ­ზე გა­მო­აქვს დას­კვნა? შე­საძ­ლო­ა, იყო ფალ­სი­ფი­კა­ცი­ის შემ­თხვე­ვე­ბი, რამ­დე­ნი­მე წუნ­დე­ბუ­ლი პარ­ტი­აც შე­მო­ვი­და, მაგ­რამ რა­ში სჭირ­დე­ბა ონი­შენ­კოს ტექ­ნი­კუ­რი სა­კითხ­ის პო­ლი­ტი­კუ­რად ქცე­ვა? ეს მი­სი პი­რა­დი სტი­ლი უფ­რო­ა...

- პუ­ტი­ნიც და მედ­ვე­დე­ვიც ხში­რად სა­უბ­რო­ბენ ქარ­თვე­ლი ხალ­ხი­სად­მი "გან­სა­კუთ­რე­ბით თბილ" და­მო­კი­დე­ბუ­ლე­ბა­ზე. თქვე­ნი აზ­რით, რა­ტომ მი­მარ­თა­ვენ ამ­გვარ რი­ტო­რი­კას?

- დღეს, რო­ცა ორ ქვე­ყა­ნას შო­რის დიპ­ლო­მა­ტი­უ­რი ურ­თი­ერ­თო­ბე­ბი გაწყ­ვე­ტი­ლი­ა, ჰუ­მა­ნი­ტა­რულ ფაქ­ტორს, სა­ხალ­ხო დიპ­ლო­მა­ტი­ას დი­დი რო­ლი ეკის­რე­ბა, რუ­სი ლი­დე­რე­ბი, მათ შო­რის პუ­ტი­ნი და მედ­ვე­დე­ვი ეძე­ბენ გზებ­ს, სა­ფუძ­ველს, რა­ზეც ორ ხალხს, სა­ზო­გა­დო­ე­ბას შო­რის ნდო­ბის აღ­დგე­ნა გახ­დე­ბა შე­საძ­ლე­ბე­ლი. არ ვი­ცი, კარ­გია ეს თუ ცუ­დი, მაგ­რამ რუ­სულ სა­ზო­გა­დო­ე­ბას ყო­ველ­თვის ჰქონ­და და აქვს ემო­ცი­უ­რი და­მო­კი­დე­ბუ­ლე­ბა სა­ქარ­თვე­ლო­სად­მი, "ე­მო­ცი­უ­რი" აუ­ცი­ლებ­ლად "თბილს" არ ნიშ­ნავს. ასე რომ, წინ დი­დი გზაა გა­სავ­ლე­ლი.

- თქვე­ნი აზ­რით, თურ­ქეთ­ში მიმ­დი­ნა­რე პრო­ცე­სე­ბი, სი­ტუ­ა­ცი­ის დეს­ტა­ბი­ლი­ზა­ცია, რო­გორ აი­სა­ხე­ბა რუ­სე­თის როლ­ზე კავ­კა­სი­ი­სა და მცი­რე აზი­ის რე­გი­ონ­ზე, რის მი­მარ­თაც მას ტრა­დი­ცი­უ­ლად დი­დი ინ­ტე­რე­სი აქვს?

- ჯერ­ჯე­რო­ბით პრო­ცე­სე­ბი თურ­ქე­თის საზღ­ვრებს არ გას­ცი­ლე­ბი­ა. პრე­მი­ერ­-მი­ნისტრ ერ­დო­ღა­ნის ოპო­ზი­ცია რი­ტო­რი­კა­ში ძლი­ე­რი­ა, პო­ლი­ტი­კუ­რად - საკ­მა­ოდ სუს­ტი. თუმ­ცა, ერ­დო­ღა­ნის რე­ჟი­მის სიმ­ტკი­ცის სა­კითხი უკ­ვე დად­გა დღის წეს­რიგ­ში, რა­საც გრძელ­ვა­დი­ან პერ­სპექ­ტი­ვა­ში, შე­საძ­ლო­ა, სა­გა­რეო პო­ლი­ტი­კა­ში თურ­ქე­თის აქ­ტი­უ­რო­ბის შემ­ცი­რე­ბა მოჰ­ყვეს. თურ­ქე­თი ნა­ტოს წევ­რი­ა, მაგ­რამ ბო­ლო­ხანს ის ცდი­ლობს და­მო­უ­კი­დე­ბე­ლი სა­გა­რეო პო­ლი­ტი­კა გა­ა­ტა­როს, რაც ზო­გი­ერთს არ მოს­წონს. ამას­თან, დღეს თურ­ქე­თის გავ­ლე­ნა სა­ქარ­თვე­ლო­ზე დი­დი­ა, ორ ქვე­ყა­ნას შო­რის ურ­თი­ერ­თო­ბას თბი­ლი­სიც და ან­კა­რაც გან­სა­კუთ­რე­ბულ მნიშ­ვნე­ლო­ბას ანი­ჭე­ბენ, და თუ სა­ქარ­თვე­ლოს ნა­ტო­ში ინ­ტეგ­რა­ცი­ის გე­ზი გაგ­რძელ­დე­ბა, თურ­ქე­თი იქ­ნე­ბა ის ხი­დი, რო­მე­ლიც თბი­ლისს ნა­ტოს­თან მი­იყ­ვანს. ჯერ­ჯე­რო­ბით კი თურ­ქეთ­ში ისე­თი არა­ფე­რი ხდე­ბა, რომ რე­გი­ონ­ში არ­სე­ბუ­ლი სტა­ტუს­-კვო რო­მე­ლი­მე სხვა ქვეყ­ნის სა­სარ­გებ­ლოდ შე­იც­ვა­ლოს.

ნინო კვიტაშვილი

ყოველკვირეული გაზეთი "ყველა სიახლე"

(გამოდის ოთხშაბათობით)