პიპა მიდლტონი ჟურნალის რედაქტორი ხდება

სანამ კემბრიჯის ჰერცოგინია ქეით მიდლტონი დედობისთვის ემზადება, მისი და, პიპა კარიერას იწყებს.

ცოტა ხნის წინ პიპა ჟურნალ Vanity Fair-ის ამერიკული ვერსიის მწერალი რედაქტორი გახდა. მიდლტონის შემოქმედებას მკითხველი ჟურნალის ივლისის ნომერში იხილავს. პირველი სტატია პიპამ უიმბლდონის ტურნირს მიუძღვნა.

"მოხარულები ვართ, რომ პიპა ჩვენი ჟურნალისთვის დაწერს. ის ყოველთვის ადევნებს თვალს ჩოგბურთს და თავადაც დაკავებულია სპორტით", - განაცხადა ჟურნალის მთავარმა რედაქტორმა გრეიდონ კარტერმა.

შეგახსენებთ, რომ პიპა ასევე წერს ჟურნალ Waitrose Kitchen magazine-თვის, სადაც მკითხველს კულინარულ რეცეპტებს და დღესასწაულების ორგანიზების ხერხებს უზიარებს.

მომზადებულია spletnik.ru-ს მიხედვით.