პირველი ქალი, რომელიც FBI-ს 10 ყველაზე საშიშ ძებნილ ტერორისტთა სიას ლიდერობს, რეპერ 2Pac-ის ნათლია - 65 წლის ჯოან ჩესიმარდი, იგივე ასათა ოლუგბალა შაკურია. ეს პირველი შემთხვევაა, როდესაც ფედერალური ბიურო ქალ ტერორისტს ეძებს.
ასათა შაკური საპყრობილეში სასჯელს მკვლელობის ბრალდებით იხდიდა. ის 1979 წელს ნიუ-ჯერსის ციხიდან გაიქცა და კუბას შეაფარა თავი. მკვლელობასთან ერთად შაკური ბრალდებული იყო შეიარაღებულ ძარცვაში, ბანკის ძარცვასა და ხალხის გატაცებაში.
ასათა რეპერის ნათლიაა. ამასთან, ის 2Pac-ის მამინაცვლის დაა. რეპერის მამინაცვალი მუთულუ ბანკის მძარცველი და კრიმინალია.
რეპერის მშობლები და ოჯახის წევრები მათ შორის ასათაც აფრო-ამერიკული რევოლუციური სოციალიზმის ორგანიზაციის Black Panther Party-სა და იატაკქვეშა ორგანიზაცია Black Liberation Army-ს აქტივისტები იყვნენ.
ასათას დაკავებაზე ჯილდოდ 2 000 000 დოლარია დაწესებული.
მომზადებულია dailymail.co.uk-ის მიხედვით.
