ჟურნალი Elle გარეკანს ჭარბწონიან მოდელს უთმობს

2012 წლიდან მოდაში ჭარბწონიანი ქალებია და პრესტიჟული სამოდელო სააგენტოებიც პუტკუნა გოგონებისთვის კასტინგს ატარებენ.

Cosmopolitan-ისა და Vogue-ს შემდეგ მოდის ერთ-ერთი მთავარი მეტრის, ჟურნალ Elle-ს ჯერი დადგა. ჟურნალ Elle-ს დანართის, Elle Quebec-ის მაისის თვის გარეკანზე 26 წლის ფრანგი მოდელი, ჯასტინ ლეგალტი დაბეჭდეს. ჯასტინის სიმაღლე 175 სანტიმეტრია და 42 ზომა სამოსს იცვამს.

"ჩემი დღის რეჟიმი სხვა მოდელების მსგავსია, მხოლოდ იმ განსხვავებით, რომ მათთან შედარებით გემრიელ კერძებზე უარს არ ვამბობ. მეც ვზრუნავ ტანადობასა და კანზე", - ამბობს ის.

მომზადებულია Elle Quebec-ის მიხედვით.