დაჯავშნული რობოტი ბოსტონის პოლიციის სამსახურში

19 აპრილს ბოსტონის პოლიცია სპეცრაზმისა და ფედერალური ბიუროს ჯარისკაცებთან ერთად ბოსტონის ტერაქტის ეჭვმიტანილის დაკავებაში მონაწილეობდა. მასშტაბურ ოპერაციაში საპოლიციო ჯავშანმანქანები, უპილოტო საფრენი აპარატები, შვეულმფრენები და რობოტებიც მონაწილეობდნენ. ერთ-ერთი მათგანი პოლიციის თანამშრომელთა დაცვას უზრუნველყოფდა.

მუხლუხებიანი რობოტი როგორც დისტანციურად, ასევე ხელით იმართება. ხელით მართვის რეჟიმისთვის რობორტს შესაბამისი პულტი აქვს. ჩვეულებრივ კონფიგურაციაში მას საეჭვო ნივთების შესამოწმებლად, შენობების დასაზვერად, გზიდან დაბრკოლებების მოსაშორებლად იყენებენ. ამისთვის რობოტს კამერები და შესაბამისი აღჭურვილობა აქვს. თუმცა რობორტს კიდევ ერთი საინტერესო ფუნქცია აკისრია.

პირადი შემადგენლობის დასაცავად მას ფარის როლის შესრულება შეუძლია. ამისათვის, მასაჩუსეტსის პოლიციის მონაწილეობით შექმნილ რობოტს გასაშლელი ჯავშანფარები აქვს. მათი გაშლისას წარმოქმნილ 2,5 მ-იან დამცავ საიმედო საფარს 4-5 კაცი თავისუფლად ეფარება. სავარაუდოდ, ჯავშანფარები ავტომატის ტყვიის მოხვედრასაც უძლებენ. ღამის პირობებში სამოქმედოდ, ჯავშანფარებზე გარედან რამდენიმე პროჟექტორია დაყენებული. დაკეცილ კონფიგურაციაში ჯავშანფარები რობოტზე ზემოდან ლაგდება.

მოამზადა ნუკრი მგელაძემ popmech.ru-ის მიხედვით.