საკუთარი თანხის ხარჯვას შპს "თემას" პრეზიდენტი აიძულებდა?
გურჯაანის სპორტკომპლექსის სამუშაოების მწარმოებელმა შპს "თემამ" პროკურატურაში სარჩელი შეიტანა. ორგანიზაციის ხელმძღვანელი იძულებით დახარჯული თანხის დაბრუნებას ითხოვს. პრეზიდენტის მიერ წინასაარჩევნოდ გახსნილი სპორტკომპლექსი კი დღემდე უფუნქციოდ არის დარჩენილი, სპორტკომპლექსის პრობლემა მოსახლეობისთვის დღემდე აქტუალურია.
გურჯაანის მუნიციპალიტეტის გამგებლის, ჯონი ოსიაშვილის განცხადებით, მან პროკურატურაში და სამინისტროში შენობის ექსპლოატაციაში შესვლის თხოვნით განცხადება შეიტანა. ამასთან, ოსიაშვილი აღნიშნავს, რომ ამ საკითხთან დაკავშირებით ახალი დეტალები გამოიკვეთა. "აუზის პრობლემა უკვე მოგვარდა, ამჟამად შენობის ჭერთან დაკავშირებით კიდევ არის სამუშაოები ჩასატარებელი. ამის გადაჭრა შეიძლება, მაგრამ როგორ ჩავიბარო? შენობა სხვა არის და პროექტი სხვა. ჩვენ შევხვდით ფირმა შპს "თემას" წარმომადგენლებს, რომლებიც სპორტკომპლექსში სამშენებლო სამუშაოებს აწარმოებდნენ. როგორც მათ ჩვენთან საუბარში აღნიშნეს, ძველი მთავრობა აიძულებდათ თავიანთი სახსრებით სხვაგვარი შენობა აეშენებინათ. როგორც მათ ეუბნებოდნენ, პროექტი გზაში მოგეწევათო. მათივე განმარტებით, მილიონ ლარამდე საკუთარი თანხები აქვთ დახარჯული და ამის შესახებ სასამართლოში სარჩელიც შეიტანეს. პრეზიდენტი აიძულებდათ თუ გუბერნია, ეს ალბათ სასამართლოზე გადაწყდება", - აცხადებს ჯონი ოსიაშვილი.
"სპექტრი"
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
