თბილისში წყალმომარაგების აღდგენა ღამის 12 საათისთვის დასრულება
თბილისის ცენტრალური უბნების წყალმომარაგების აღდგენა ღამის 12 საათისთვის დასრულება, - ამის შესახებ "ინტერპრესნიუსს" კომპანია "ჯორჯიან უოთერ ენდ ფაუერის" საზოგადოებასთან ურთიერთობის სამსახურში განუცხადეს.
კომპანიის ცნობით, გათიშული უბნებისთვის წყლის მიწოდება 21.00 საათიდან დაიწყება და 4 საათში დასრულდება.
როგორც კომპანიაში განმარტავენ, გასულ დღეებში ქარიანი ამინდების გამო ელექტროენერგიის გათიშვებმა სისტემაში ჰიდრავლიკური რეჟიმების რღვევა გამოიწვია, რასაც წყალსადენის სისტემის ავარია მოჰყვა. კერძოდ, ავარიულად დაზიანდა 1200 მმ-იანი წყალსადენის მაგისტრალი გამრეკელის ქუჩაზე.
მომხდარი დაზიანების გამო წყალმომარაგება შეუწყდა: ზემო ვაკეს, ვერეს, მთაწმინდასა და სოლოლაკს; ი. ჭავჭავაძის, პეკინის, ვაჟა-ფშაველასა და ყაზბეგის გამზირებს; არაყიშვილის, აბაშიძის, ფალიაშვილის, ყიფშიძის, კეკელიძის, თამარაშვილის, კოსტავას, შარტავას, ცინცაძის, საბურთალოს, მგალობლიშვილის, ოსეთის, ტაშკენტის, ბუდაპეშტის, კანდელაკის, ზემო ვეძისის, ჩერქეზიშვილის, ჯანო ბაგრატიონის, დოლიძის, ჩიქოვანის, ფანასკერტელისა და მათ მიმდებარე ქუჩებს.
წყალი დაბალი წნევით მიეწოდება: ქეთევან წამებულის გამზირსა და გორგასლის ქუჩის ნაწილს.
ბაია პატარაიას თათია სამსახარაძე და უფლებადამცველები დაუპირისპირდნენ - „სამი წელია პირში წყალი მაქვს დაგუბებული...“
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
