ადვოკატი - აგრარულ უნივერსიტეტს ავტორიზაცია კი არ შეუჩერდა, არამედ გაუუქმდა

აგრარულ უნივერსიტეტს ავტორიზაცია კი არ შეუჩერდა, არამედ გაუუქმდა, - ამის შესახებ "ინტერპრესნიუსს" უნივერსიტეტის ადვოკატმა ლილი ბეგიაშვილმა განუცხადა.

მისი თქმით, ავტორიზაციის საბჭოს გადაწყვეტილება შეჩერებას კი არა, არამედ ავტორიზაციის შეწყვეტას, ანუ გაუქმებას ნიშნავს.

"შეწყვეტა-გაუქმება ამ შემთხვევაში ერთი და იგივეა. ცალსახად შეგვიძლია ვთქვათ, რომ უნივერსიტეტს ავტორიზაცია გაუუქმდა", - აღნიშნა ბეგიაშვილმა.

მისივე თქმით, ერთადერთი გამოსავალი და გზა არის მხოლოდ სასამართლო დავა, რადგან არც განათლების სამინისტროს და არც ავტორიზაციის საბჭოს არ აქვს უფლება, ავტორიზაცია აღუდგინოს აგრარულ უნივერსიტეტს.

"ინტერპრესნიუსი"