ბრიტანული ტელეკომპანია BBC-ი ახალი ტელედრამის გადაღებას იწყებს, რომელიც ელიზაბეტ ტეილორის ცხოვრებაზე მოგვითხრობს. ფილმს "ბარტონი და ტეილორი" ჰქვია და მასში მთავარ როლს ცნობილი მსახიობი ჰელენა ბონემ კარტერი განასახიერებს. ფილმის მთავარი სიუჟეტი ელიზაბეტისა და მისი მეხუთე მეუღლის, რიჩარდ ბარტონის რომანის გარშემო ტრიალებს.
ახალი პროექტი პრესაში უკვე მონათლეს ბრიტანეთის პასუხად ამერიკულ ფილმ "ლიზ და დიკზე", სადაც ჰოლივუდის ვარსკვლავის როლი სკანდალურმა მსახიობმა ლინდსი ლოჰანმა შეასრულა. მას შემდეგ, რაც "ლიზი და დიკი" ეკრანებზე გამოვიდა, ლოჰანი კრიტიკის ქარცეცხლში მოექცა. ტელეკრიტიკოსებმა განაცხადეს, რომ მსახიობი როლს საერთოდ არ შეეფერება.
რაც შეეხება BBC-ს ახალ წამოწყებას, მას მაყურებელი ინტერესით ელოდება. ჰელენა ბონემ კარტერს პარტნიორობას დომინიკ უოტსი გაუწევს.
აღსანიშნავია, რომ ცოტა ხნის წინ ჰელენა ბონემ კარტერს კინოდან წასვლა და შემოქმედებითი შვებულების აღება სურდა, თუმცა როგორც ჩანს, ახალმა ფილმმა ის იმდენად დააინტერესა, რომ მსახიობმა გადაწყვეტილება შეიცვალა.
მომზადებულია spletnik.ru-ს მიხედვით.
