ქარელში გათავისუფლებული სპეციალისტი ბრძოლას "ნაციონალების" სასარგებლოდ აგრძელებს
ქარელის რაიონის სოფელ ბრეთის მეურნეობის ტერიტორიული ორგანოს სპეციალისტი ნანული ბუზიაშვილი სამსახურიდან გაათავისუფლეს. მან განცხადება 2013 წლის 3 იანვარს გაუგზავნა გამგეობას. ამბობს, რომ განცხადება ზეწოლით დაწერა. ბუზიაშვილის გათავისუფლებას შიდა ქართლის გუბერნატორი ანდრო ბარნოვიც პოლიტიკურს უწოდებს.
ნანული ბუზიაშვილი აცხადებს, რომ ის კოალიცია ,,ქართული ოცნების" მთავრობაზე ნაწყენია და მომავალ არჩევნებზე ბრძოლას "ნაციონალური მოძრაობის" სასარგებლოდ აპირებს.
"1966 წლიდან სხვადასხვა თანამდებობებზე მიმუშავია. არც ერთ მთავრობას არ უთქვამს ჩემთვის, რომ მე წინა მთავრობაში ვმუშაობდი და ამის გამო უნდა გამათავისუფლონ. ყველა არჩევნებზე მონაწილეობა მაქვს მიღებული. პირველი ოქტომბრის არჩევნებზე მე კომისიის წევრებს განვუცხადე, რომ დავემშვიდობებოდი, მაგრამ ახლა ჩემი სიტყვა უკან მიმაქვს და მომდევნო არჩევნებზე აუცილებლად მივიღებ მონაწილეობას, ნაციონალების სასარგებლოდ", - აცხადებს ნანული ბუზიაშვილი.
სრული ვერსია
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
