ნინო კახაბერი ჭანდრის ტერიტორიულ ორგანოში 2007 წლიდან მუშაობს. 2012 წლის საპარლამენტო არჩევნებისთვის კარდენახის 32-ე საარჩევნო უბანზე საოლქო საარჩევნო კომისიიდან დანიშნული კომისიის წევრი იყო. როგორც ნინო აცხადებს, ის გურჯაანის გამგეობაში უკვე მეორედ დაიბარეს და მასზე ფსიქოლოგიურ ზეწოლას ახდენენ.
"გამგებლის მოადგილე "მორალური შეგონებებით" ცდილობს სამსახურიდან წასვლის შესახებ განცხადება დამაწერინოს. თან მუდმივად მეუბნება, ვინც "ნაციონალური მოძრაობის" მმართველობის პერიოდში თუნდაც სოფლის ტერიტორიულ ორგანოში რიგით სპეციალისტად ვმუშაობდით, დანაშაული გვაქვს ჩადენილი. არ ვწერ განცხადებას, მაგრამ მოსვენებას არ მაძლევენ" - ამბობს ნინო კახაბერი.
