სომხეთში პრეზიდენტობის კანდიდატი დაჭრეს

სომხეთის დედაქალაქ ერევანში, პრეზიდენტობის ოპოზიციური კანდიდატი პარუირ აირიკიანი ცეცხლსასროლი იარაღით დაჭრეს. ამის შესახებ "დოიჩე ველე" იუწყება.

გავრცელებული ინფორმაციით, აირიკიანი კლინიკაშია მოთავსებული და მის სიცოცხლეს საფრთხე არ ემუქრება. პოლიციის განცხადებით, უცნობი თავდამსხმელი პრეზიდენტობის კანდიდატს ერევნის ცენტრში, საკუთარი სახლთან ახლოს დაესხა თავს და ცეცხლსასროლი იარაღით ორი ჭრილობა მიაყენა.

63 წლის აირიკიანი, რომელიც ყოფილი დისიდენტია, ამჟამად ოპოზიურ პარტიას "ნაციონალური თვითგანსაზღვრა" უდგას სათავეში.

სომხეთის საპრეზიდენტო არჩევნები 18 თებერვალს გაიმართება.

მომზადებულია dw.de-ს მიხედვით.