"რა თქმა უნდა, სა­სა­მარ­თლო სის­ტე­მა ჯერ­ჯე­რო­ბით სრულ­ყო­ფი­ლი არ არის, ვერც იმ ახალ და სა­მარ­თლი­ან სა­ქარ­თვე­ლო­ში ვიღ­ვი­ძებთ, რო­მელ­საც სა­ზო­გა­დო­ე­ბა გა­სუ­ლი წლის 2 ოქ­ტომ­ბერს მო­უთ­მენ­ლად ელო­და, მაგ­რამ, სა­ბედ­ნი­ე­როდ, მცი­რე ნა­ბი­ჯე­ბით მივ­დი­ვართ ვი­თა­რე­ბის გა­უმ­ჯო­ბე­სე­ბის­კენ", - ამ­ბობს ჩვენ­თან სა­უ­ბარ­ში არა­სამ­თავ­რო­ბო ორ­გა­ნი­ზა­ცია "ადა­მი­ა­ნის უფ­ლე­ბა­თა პრი­ო­რი­ტე­ტის" აღ­მას­რუ­ლე­ბე­ლი დი­რექ­ტო­რი ლია მუ­ხა­შავ­რია. მას სა­სა­მარ­თლო სის­ტე­მა­ში მომ­ხდარ ცვლი­ლე­ბებ­სა და ბო­ლოდ­რო­ინ­დელ აქ­ტუ­ა­ლურ მოვ­ლე­ნებ­ზე ვე­სა­უბ­რეთ.

- ქალ­ბა­ტო­ნო ლია, ბოლო დროს გან­ხორ­ცი­ე­ლე­ბუ­ლი ამ­ნის­ტი­ის ფარ­გლებ­ში ძა­ლი­ან ბევ­რი პო­ლი­ტი­კუ­რი ნიშ­ნით გა­თა­ვი­სუფ­ლე­ბუ­ლი პა­ტი­მა­რი ვი­ხი­ლეთ. რა პრინ­ცი­პით ხდე­ბა პო­ლიტ­პა­ტიმ­რის სტა­ტუ­სის გან­სა­ზღვრა?

- არ­სე­ბობს ევ­რო­საბ­ჭოს ორი რე­ზო­ლუ­ცია, ერთი 2001 წელს მი­ი­ღეს, ხოლო მე­ო­რე, 2012 წლის იან­ვარ­ში, რო­მე­ლიც უფრო პირ­ვე­ლის და­ზუს­ტე­ბაა, ვიდ­რე ცალ­კე რე­ზო­ლუ­ცია. ჩვენ­და სა­ბედ­ნი­ე­როდ, ამ მე­ო­რემ სულ­ზე მოგ­ვის­წრო. სწო­რედ იმ ამ­ნის­ტი­ის კა­ნონ­შია მოხ­სე­ნი­ე­ბუ­ლი პა­ტიმ­რე­ბის კა­ტე­გო­რი­ე­ბად და­ყო­ფა კრი­ტე­რი­უ­მე­ბის მი­ხედ­ვით, ოღონდ იქ ყვე­ლა­ფე­რი მკა­ფი­ოდ და ცალ­სა­ხად არ არის გან­სა­ზღვრუ­ლი. ამი­ტო­მაც, პო­ლიტ­პა­ტიმ­რის კა­ტე­გო­რი­ა­ში მხო­ლოდ პო­ლი­ტი­კუ­რი ნიშ­ნით დევ­ნი­ლე­ბი კი არა, სხვე­ბიც მოხ­ვდნენ.

იუ­რი­დი­უ­ლად ამ ნი­შის­თვის სა­ყო­ველ­თა­ოდ მი­ღე­ბუ­ლი დე­ფი­ნი­ცია არ არ­სე­ბობს. სა­ერ­თა­შო­რი­სო ამ­ნის­ტი­ას პო­ლიტ­დევ­ნი­ლად მი­აჩ­ნია პირი, რო­მე­ლიც და­კა­ვე­ბუ­ლია ბრალ­დე­ბის წარ­დგე­ნის გა­რე­შე პო­ლი­ტი­კუ­რი არე­უ­ლო­ბე­ბის, დე­მონ­სტრა­ცი­ე­ბის ან სა­მო­ქა­ლა­ქო და­უ­მორ­ჩი­ლებ­ლო­ბის აქ­ცი­ე­ბის დროს; ასე­ვე, თუ ის და­კა­ვე­ბუ­ლია სა­კუ­თა­რი აზ­რის გა­მო­ხატ­ვის გამო, ან ხე­ლი­სუფ­ლე­ბას­თან ოპო­ზი­ცი­ის გამო ისე, რომ არ იყე­ნებ­და ძა­ლა­დობ­რივ მე­თო­დებს... თუმ­ცა, რე­ზო­ლუ­ცი­ა­ში მო­ცე­მულ კრი­ტე­რი­უ­მებს რომ მივ­ყვეთ, ეს მხო­ლოდ პო­ლი­ტი­კუ­რი ნიშ­ნით დევ­ნი­ლებს შე­ე­ხე­ბო­და. სა­ქარ­თვე­ლო­ში ვარ­დე­ბის რე­ვო­ლუ­ცი­ის შემ­დეგ ხე­ლი­სუფ­ლე­ბის შეც­ვლამ პა­ტი­მარ­თა 25 ათა­სამ­დე გაზ­რდა გა­მო­იწ­ვია, თუმ­ცა ეს არ ნიშ­ნავს, რომ ამ რა­ო­დე­ნო­ბის ადა­მი­ან­მა და­ნა­შა­უ­ლი ჩა­ი­დი­ნა. და­პა­ტიმ­რე­ბულ ადა­მი­ან­თა უმე­ტე­სო­ბა პო­ლი­ტი­კის ცვლი­ლე­ბის შე­დე­გად დევ­ნის მსხვერ­პლი იყო. მას შემ­დეგ, რაც ქვე­ყა­ნა­ში ნუ­ლო­ვა­ნი ტო­ლე­რან­ტო­ბა გა­მო­ცხად­და და სა­სა­მარ­თლო უწყე­ბამ ამას მხა­რი და­უ­ჭი­რა, რისი დას­ტუ­რიც არის კოტე კუბ­ლაშ­ვი­ლის მა­შინ­დე­ლი ინ­ტერ­ვიუ, სა­დაც ის ღიად ამ­ბობს, რომ მხარს უჭერს მკაც­რი სის­ხლის სა­მარ­თლის გან­ხორ­ცი­ე­ლე­ბას, უამ­რა­ვი ადა­მი­ა­ნი უდა­ნა­შა­უ­ლოდ ან პო­ლი­ტი­კუ­რი ნიშ­ნით და­ა­კა­ვეს. მარ­თლმსა­ჯუ­ლე­ბის მიერ ასეთ­მა და­მო­კი­დე­ბუ­ლე­ბამ გა­მო­იწ­ვია ამ რა­ო­დე­ნო­ბის პა­ტიმ­რე­ბის არ­სე­ბო­ბა, რომ­ლე­ბიც უნდა გა­თა­ვი­სუფ­ლდნენ.

მა­გა­ლი­თად, პო­ლი­ტი­კუ­რი ნიშ­ნით გა­თა­ვი­სუფ­ლე­ბუ­ლი გი­ორ­გი ზე­რე­კი­ძის ოჯა­ხი წინა ხე­ლი­სუფ­ლე­ბის მიერ მთლი­ა­ნად რეპ­რე­სი­რე­ბუ­ლი იყო, ეს მოგ­ვი­ა­ნე­ბით და­დას­ტურ­და მა­მა­მი­სის ტრა­გე­დი­ით. "ნა­ცი­ო­ნა­ლებ­მა" ეს მო­ზარ­დი აქ­ცი­ეს სა­ნი­მუ­შოდ დას­ჯილ არას­რულ­წლოვ­ნად, რათა ნუ­ლო­ვა­ნი ტო­ლე­რან­ტო­ბის შე­დე­გი რაც შე­იძ­ლე­ბა სწრა­ფი და ეფექ­ტუ­რი ყო­ფი­ლი­ყო.

- თუმ­ცა, ამ­ნის­ტი­რე­ბუ­ლებს შო­რის იყ­ვნენ ისე­თე­ბიც, რო­მელ­თაც ნამ­დვი­ლად ჩა­ი­დი­ნეს და­ნა­შა­უ­ლი...

- სა­ზო­გა­დო­ე­ბამ კარ­გად იცის, დას­ჯი­სა და და­ში­ნე­ბის რა მე­თო­დებს იყე­ნებ­დნენ მათ მი­მართ და რო­გორ იწე­რე­ბო­და აღი­ა­რე­ბი­თი ჩვე­ნე­ბე­ბი. და­ნა­შა­ულ­ში ეჭ­ვმი­ტა­ნი­ლებს ად­ვო­კა­ტის აყ­ვა­ნის სურ­ვი­ლიც კი არ ჰქონ­დათ, უბ­რა­ლოდ, ცდი­ლობ­დნენ, ისე­თი ად­ვო­კა­ტი მო­ე­ძებ­ნათ, რო­მე­ლიც უფრო ხელ­საყ­რელ საპ­რო­ცე­სო შე­თან­ხმე­ბას გა­უ­ფორ­მებ­და. სი­მარ­თლის და­სად­გე­ნად ბრძო­ლას გა­მა­მარ­თლე­ბე­ლი მტკი­ცე­ბუ­ლე­ბე­ბის არ­სე­ბო­ბის შემ­თხვე­ვა­შიც კი არ ჰქონ­და აზრი. ბოლო 9 წლის გან­მავ­ლო­ბა­ში ქვე­ყა­ნა­ში არ დარ­ჩე­ნი­ლა ადა­მი­ა­ნი, რო­მელ­საც უსა­მარ­თლო მარ­თლმსა­ჯუ­ლე­ბას­თან არ ჰქონ­და საქ­მე, ან მისი ოჯა­ხის წევ­რი არ ყო­ფი­ლი­ყო და­პა­ტიმ­რე­ბუ­ლი ან ახ­ლო­ბე­ლი ადა­მი­ა­ნის და­პა­ტიმ­რე­ბით არ და­მუქ­რე­ბოდ­ნენ.

- ირაკ­ლი ოქ­რუ­აშ­ვი­ლის გა­თა­ვი­სუფ­ლე­ბას აზ­რთა სხვა­დას­ხვა­ო­ბა მოჰ­ყვა. თქვენ რას ფიქ­რობთ?

- პირ­და­პირ გე­ტყვით, ირაკ­ლი ოქ­რუ­აშ­ვი­ლის მი­მართ ძა­ლი­ან დიდი ან­ტი­პა­თია მაქვს, რად­გან ის იყო იმ ბო­რო­ტე­ბის ერთ-ერთი სა­თა­ვე, რო­მელ­საც ჩვენ ამ­დენ ხანს ვებ­რძო­დით. მისი გე­ნე­რა­ლუ­რი პრო­კუ­რო­რო­ბის დროს დამ­კვიდ­რდა ძალ­ზედ მა­ხინ­ჯი ტენ­დენ­ცი­ე­ბი, მაგ­რამ ტო­ტა­ლი­ტა­რუ­ლი რე­ჟი­მე­ბის თვი­სე­ბაა სა­კუ­თა­რი თა­ვის გა­და­სან­სვლა. ამის ერთი-ერთი ასე­თი მა­გა­ლი­თია ოქ­რუ­აშ­ვი­ლი, რო­მე­ლიც ახლა მსხვერ­პლია. მისი ამ­ბა­ვი ჩემ­თვის არის კო­მი­კუ­რი და ტრა­გი­კუ­ლი. ოქ­რუ­აშ­ვი­ლი არის ადა­მი­ა­ნი, რო­მე­ლიც სა­ა­კაშ­ვილ­მაც გა­მო­ი­ყე­ნა და ახ­ლაც იყე­ნე­ბენ, რად­გან გა­მო­ყე­ნე­ბა­დი სუ­ბი­ექ­ტია. სხვა სი­ტყვაც შე­მიძ­ლია გა­მო­ვი­ყე­ნო, მაგ­რამ არ ვი­კად­რებ, ისე კი იმ­სა­ხუ­რებს. ამი­ტო­მაც, ოქ­რუ­აშ­ვი­ლი რაც უფრო გა­მო­ყე­ნე­ბა­დი სუ­ბი­ექ­ტი იქ­ნე­ბა სა­სა­მარ­თლო და­ვე­ბის­თვის, მით უკე­თე­სია მარ­თლმსა­ჯუ­ლე­ბის­თვის, რად­გან ინ­ფორ­მი­რე­ბუ­ლია. მისი და­კა­ვე­ბა მოჰ­ყვა ინგა გრი­გო­ლი­ას თოქ­შო­უ­ში მის "გა­მობრწყი­ნე­ბას", რად­გან მა­შინ აღი­ა­რე­ბი­თი ჩვე­ნე­ბა მის­ცა. თუ მან იცო­და იმ ფაქ­ტებ­ზე, რომ­ლებ­ზეც გა­და­ცე­მა­ში ლა­პა­რა­კობ­და და არ გა­ნა­ცხა­და, ეს მძი­მე და­ნა­შა­უ­ლია და სწო­რე­დაც იმ­სა­ხუ­რებ­და და­კა­ვე­ბას. თუ ეს და­ნა­შა­უ­ლე­ბი სხვებ­თან ერ­თად ჰქონ­და ჩა­დე­ნი­ლი, მით უმე­ტეს იმ­სა­ხუ­რებ­და და­კა­ვე­ბას. რო­გორც ადა­მი­ა­ნის უფ­ლე­ბა­თა დამ­ცვე­ლი, უდა­ნა­შა­უ­ლო­ბის პრე­ზუმფცი­ას ვი­ცავ და ვი­ტყვი, რომ მისი რან­გის პო­ლი­ტი­კო­სი ალ­ბათ თა­ნა­მო­ნა­წი­ლე იყო, ავ­ტორ­სა და დამ­კვეთს შეგ­ნე­ბუ­ლად არ ვამ­ბობ, ამი­ტომ მისი და­კა­ვე­ბა სავ­სე­ბით სა­მარ­თლი­ა­ნი გახ­ლდათ. თუმ­ცა, მა­შინ სხვა პო­ლი­ტი­კუ­რი ვი­თა­რე­ბა იყო, მისი აყ­ვი­რე­ბა და ჩვე­ნე­ბის მი­ცე­მა თა­ვად იმ ხე­ლი­სუფ­ლე­ბას არ აძ­ლევ­და ხელს, ამი­ტომ გა­ის­ტუმ­რეს საფ­რან­გეთ­ში, სა­დაც სვე­ბედ­ნი­ე­რად ცხოვ­რობ­და.

- ახლა რა ხდე­ბა?

- ეს ადა­მი­ა­ნი ახ­ლაც ცდი­ლობს, სა­კუ­თა­რი ინ­ფორ­მა­ტი­უ­ლო­ბა გა­მო­ი­ყე­ნოს. ამ თვალ­საზ­რი­სით მისი გა­თა­ვი­სუფ­ლე­ბა, შე­საძ­ლოა, მარ­თლაც გა­მარ­თლე­ბუ­ლი იყოს, თუნ­დაც იმი­ტომ, რომ სე­რი­ო­ზულ მა­სა­ლებს მის­ცემს გა­მო­ძი­ე­ბას, მაგ­რამ ეს არ ნიშ­ნავს, რომ მარ­თლმსა­ჯუ­ლე­ბას დიდი შე­ღა­ვა­თე­ბით უნდა და­უძ­ვრეს. პი­რა­დად მის წი­ნა­აღ­მდეგ ბევრ ადა­მი­ანს აქვს მტკი­ცე­ბუ­ლე­ბა. ის არა­ვი­თარ შემ­თხვე­ვა­ში არ უნდა გა­მო­ცხად­დეს სრუ­ლი­ად უდა­ნა­შა­უ­ლოდ და იმ ბრალ­დე­ბე­ბის­გან ბო­ლომ­დე არ უნდა გა­თა­ვი­სუფ­ლდეს. თუ ასე მოხ­და, ეს სა­ა­კაშ­ვი­ლის დროს დამ­კვიდ­რე­ბუ­ლი ტენ­დენ­ცი­ის გაგ­რძე­ლე­ბა იქ­ნე­ბა.

- ამ დღე­ებ­ში გავ­რცელ­და მე­გის ქარ­და­ვას შეკ­ვე­თით გა­და­ღე­ბუ­ლი ფა­რუ­ლი კად­რე­ბი, რომ­ლი­თაც წინა ხე­ლი­სუფ­ლე­ბა თურ­მე "ცის­ფერ აგენ­ტუ­რას" ამუ­შა­ვებ­და. რო­გორ ფიქ­რობთ, რაში დას­ჭირ­და ხე­ლი­სუფ­ლე­ბას იმ კად­რე­ბის გა­მო­ყე­ნე­ბა და ხომ არ და­ირ­ღვა ამით ადა­მი­ა­ნის უფ­ლე­ბე­ბი?

- ამ კად­რე­ბის გავ­ცე­ლე­ბამ, თა­ნაც შუ­ა­დღი­სას, მეც ძა­ლი­ან და­მა­ფიქ­რა. სა­ინ­ფორ­მა­ციო სა­შუ­ა­ლე­ბებს შე­ეძ­ლოთ, ეს კად­რე­ბი ღამე, 12 სა­ა­თის შემ­დეგ ეჩ­ვე­ნე­ბი­ნათ და ამით არა­ვის უფ­ლე­ბა არ და­ირ­ღვე­ო­და. რაც შე­ე­ხე­ბა ძა­ლო­ვა­ნი უწყე­ბის გა­და­წყვე­ტი­ლე­ბას, რო­გორც იუ­რის­ტი, ვერ და­ვი­ჯე­რებ, რომ ამ სკან­და­ლუ­რი კად­რე­ბის ჩვე­ნე­ბით მათ სა­ზო­გა­დო­ე­ბას დამ­კვე­თის ნამ­დვი­ლი სახე და­ა­ნახ­ვეს. ყვე­ლამ კარ­გად იცის, მე­გის ქარ­და­ვა რომ ურჩხუ­ლი იყო და ფოლკ­ლორ­შიც კი უნდა დარ­ჩეს. ბავ­შვებს გუ­დი­ა­ნი კა­ცით კი არა, ქარ­და­ვა­თი უნდა აში­ნებ­დნენ, მაგ­რამ ასე­თი კად­რე­ბის გავ­რცე­ლე­ბით რა და­უ­დას­ტურ­დე­ბა მას, მის მიერ დაკ­ვე­თი­ლი წა­მე­ბის ფაქ­ტებ­თან შე­და­რე­ბით, ნაკ­ლე­ბად მნიშ­ვნე­ლო­ვა­ნია. ამ ყვე­ლაფ­რის მიღ­მა სულ სხვა რამე იმა­ლე­ბა, გა­მო­დის, რომ ჩვე­ნი ხე­ლი­სუფ­ლე­ბა არც კი ფიქ­რობს ქარ­თვე­ლი სა­ზო­გა­დო­ე­ბის ნა­წი­ლის ისე­დაც წამ­ხდა­რი ზნე­ო­ბის გა­კე­თილ­შო­ბი­ლე­ბა­ზე. ასე­თი ვი­დე­ო­კად­რე­ბის ჩვე­ნე­ბით ცდი­ლობს, სა­ზო­გა­დო­ე­ბამ იფიქ­როს, რომ არატ­რა­დი­ცი­უ­ლი სექ­სუ­ა­ლუ­რი ურ­თი­ერ­თო­ბე­ბი ძალ­ზე გავ­რცე­ლე­ბუ­ლია. ვერც შს მი­ნის­ტრის გან­ცხა­დე­ბას და­ვე­თან­ხმე­ბი, სა­ზო­გა­დო­ე­ბას კი­დევ ერთხელ და­ვა­ნახ­ვეთ, რა სა­ში­ნელ დრო­ში ვცხოვ­რობ­დი­თო, ყვე­ლას კარ­გად ახ­სოვს, რა ხდე­ბო­და მა­შინ... ერთი სი­ტყვით, ამ კად­რე­ბის შემ­დეგ, რო­გორც გა­მოც­დი­ლი იუ­რის­ტი ვფიქ­რობ, რომ ჰო­მო­სექ­სუ­ა­ლიზ­მი ჩვე­უ­ლებ­რი­ვი რამ ყო­ფი­ლა და ამ ფონ­ზე კი­დევ უფრო კარ­გად ვხე­დავ, რა­ტომ აქვს ხალ­ხს ასე­თი გამ­ძაფ­რე­ბუ­ლი ფო­ბია არატ­რა­დი­ცი­უ­ლი ორი­ენ­ტა­ცი­ის მი­მართ.

- რას გუ­ლის­ხმობთ?

- იმას, რომ ეს არ­სე­ბობს ქვე­ყა­ნა­ში და სი­რაქ­ლე­მას პო­ზის მი­ღე­ბა ვე­რა­ფერს შეც­ვლის. სწო­რი მიდ­გო­მაა სა­ჭი­რო რო­გორც სა­ზო­გა­დო­ე­ბის, ისე ხე­ლი­სუფ­ლე­ბის მხრი­დან. უკვე დროა, სა­ქარ­თვე­ლო­ში და­ვი­წყოთ სა­უ­ბა­რი სექ­სუ­ა­ლურ და სხვა უმ­ცი­რე­სო­ბე­ბის უფ­ლე­ბებ­ზე, რო­მე­ლიც პო­პუ­ლა­რუ­ლი არ არის, სამ­წუ­ხა­როდ, და სა­ზო­გა­დო­ე­ბა ვერ აც­ნო­ბი­ე­რებს კარ­გად ამ უფ­ლე­ბე­ბის დაც­ვის მნიშ­ვნე­ლო­ბას, ეს ადა­მი­ა­ნე­ბი ჩვე­ნი ქვეყ­ნის მო­ქა­ლა­ქე­ე­ბი არი­ან და დღეს თუ ისი­ნი არ ჩა­ნან, მხო­ლოდ და მხო­ლოდ იმი­ტომ, რომ არ­სე­ბობს უმ­რავ­ლე­სო­ბის ძა­ლა­დობ­რი­ვი პო­ლი­ტი­კა, რო­მე­ლიც მათ აი­ძუ­ლებს, და­მა­ლონ ორი­ენ­ტა­ცია და იყ­ვნენ ფა­რუ­ლი ცხოვ­რე­ბის წე­სის იძუ­ლე­ბით მა­ტა­რებ­ლე­ბი.

- სხვა სა­კი­თხებ­ზეც გკი­თხავთ, რამ­დე­ნად დი­დია იმის საფრ­თხე, რომ მარ­თლმსა­ჯუ­ლე­ბის თე­მის პო­ლი­ტი­ზე­ბა საფრ­თხეს შე­უქ­მნის ქვეყ­ნის სტა­ბი­ლუ­რო­ბას? და კი­დევ, თქვე­ნი აზ­რით, რამ­დე­ნად იმუ­შა­ვებს ის, რომ პარ­ლა­მენ­ტის დად­გე­ნი­ლე­ბით, და­ნა­შა­უ­ლის ჩა­დე­ნის შემ­თხვე­ვა­ში კა­ნო­ნი ამ­ნის­ტი­რე­ბუ­ლე­ბის მი­მართ უფრო მკაც­რი იქ­ნე­ბა?

- და­ნა­შა­უ­ლის ჩა­დე­ნის შემ­თხვე­ვა­ში ამ­ნის­ტი­რე­ბუ­ლებს ნა­პა­ტი­ებ სას­ჯელს ახალ­ჩა­დე­ნი­ლი და­ნა­შა­უ­ლის სას­ჯე­ლი ემა­ტე­ბა და მათ­ზე შეკ­რე­ბი­თო­ბის პრინ­ცი­პი გავ­რცელ­დე­ბა. არ ვფიქ­რობ, რომ პა­ტი­მარ­თა ცი­ხე­ე­ბი­დან გა­მოშ­ვე­ბის შემ­დეგ ქვე­ყა­ნა­ში კრი­მი­ნო­გე­ნუ­რი ვი­თა­რე­ბა გა­უ­ა­რეს­დე­ბა. ღა­რი­ბაშ­ვი­ლის უწყე­ბის სა­სარ­გებ­ლოდ უნდა ით­ქვას, რომ ეფექ­ტი­ა­ნად და ქმე­დი­თად მუ­შა­ობს. გარ­და ამი­სა, არ ვფიქ­რობ, რომ ის ხალ­ხი, რო­მე­ლიც ახლა ცი­ხე­ე­ბი­დან გა­მო­დის, დამ­ნა­შა­ვე იყო და ჩა­დე­ნი­ლი და­ნა­შა­უ­ლის­თვის ჩას­ვეს. ამი­ტომ მგო­ნია, რომ მათი გა­თა­ვი­სუფ­ლე­ბა საფრ­თხეს არ შე­ი­ცავს და სა­ზო­გა­დო­ე­ბას თა­ვის ტკი­ვილს არ მო­უ­მა­ტებს. ამა­ზე მე­ტად სა­ხი­ფა­თოა ის ორი ე.წ. კა­ნო­ნი­ე­რი ქურ­დი, რომ­ლე­ბიც პრე­ზი­დენ­ტის ხელ­მო­წე­რი­ლი დო­კუ­მენ­ტის სა­ფუძ­ველ­ზე გა­მო­უშ­ვეს. ასე რომ, ჩვენ მარ­თლმსა­ჯუ­ლე­ბის სის­ტე­მით კა­ტე­გო­რი­უ­ლად უკ­მა­ყო­ფი­ლო ვი­ყა­ვით, მაგ­რამ, მი­უ­ხე­და­ვად იმ მწვა­ვე კრი­ტი­კი­სა, რაც აქამ­დე გა­მოვ­ხა­ტე დღე­ვან­დე­ლი პო­ლი­ტი­კუ­რი ელი­ტის მი­სა­მარ­თით, აბ­სო­ლუ­ტუ­რად ვი­ზი­ა­რებ იმ პო­ლი­ტი­კას, რო­მე­ლიც გა­მო­მუ­შავ­და და მოქ­მე­დებს დღეს სა­სა­მარ­თლო­სა და მო­სა­მარ­თლე­ე­ბის მი­მართ. ყვე­ლამ კარ­გად ვი­ცით, რამ­დე­ნი ცოდ­ვა აქვთ ამ მო­სა­მარ­თლე­ებს ჩა­დე­ნი­ლი, მაგ­რამ ისე­დაც სა­ძირ­კველ­მორ­ყე­ულ ქვე­ყა­ნა­ში ერთი ხე­ლის მოს­მით სა­სა­მარ­თლოს შეც­ვლა, შე­საძ­ლოა, დეს­ტა­ბი­ლი­ზა­ცი­ის სა­ფუძ­ვე­ლი გამ­ხდა­რი­ყო. ამი­ტომ, ასე ხე­ლა­ღე­ბით ამის გა­კე­თე­ბა არ შე­იძ­ლე­ბა. ძა­ლი­ან კარ­გია, რომ ხე­ლი­სუფ­ლე­ბას ეს ეს­მის და იმას არ აკე­თებს, რაც თა­ვის დრო­ზე, "ვარ­დე­ბის რე­ვო­ლუ­ცი­ის" შემ­დეგ მოხ­და, - რო­დე­საც მო­სა­მარ­თლე­ე­ბი ერთი ხე­ლის მოს­მით გა­ყა­რეს. ახა­ლი ხე­ლი­სუფ­ლე­ბა ბევ­რს აძ­ლევს შანსს, და­ამ­ტკი­ცოს, რომ არის ღირ­სე­უ­ლი იუ­რის­ტი და შეძ­ლებს მო­სა­მარ­თლის მან­ტი­ის მორ­გე­ბას. მე­ო­რე მხრივ, შეც­ვლის პრო­ცე­სი იქ­ნე­ბა, მაგ­რამ ძა­ლი­ან აწონ-და­წო­ნი­ლი ნა­ბი­ჯე­ბის გა­დად­გმით. კარ­გია, როცა ხე­ლი­სუფ­ლე­ბა ცდი­ლობს, ამ სის­ტე­მა­ში პირ­და­პი­რი ჩა­რე­ვა და ზე­წო­ლა არ მო­ახ­დი­ნოს.

ლალი პა­პას­კი­რი

ჟურ­ნა­ლი "რე­ი­ტინ­გი"

(გა­მო­დის ორ­შა­ბა­თო­ბით)