ჯერემი რენერის მომავალი შვილის დედა კანადელი მოდელია

ცნობილი ამერიკელი მსახიობი, ჯერემი რენერი მალე პირველად გახდება მამა, დღემდე მისი მომავალი შვილის დედის ვინაობა უცნობი იყო. დასავლური მედიის ცნობით, ჯერემის შვილი ცნობილი კანადელი მოდელისგან, სონი პაჩეკოსგან ეყოლება.

წყვილმა ერთმანეთი ფილმ "შეუსრულებელი მისია: პროტოკოლი ფანტომის" გადაღებებზე გაიცნო. მართალია წყვილი ახლა ოფიციალურად ერთად არაა, მაგრამ სონი მაინც ცხოვრობს ლოს-ანჯელესში, ჯერემის სახლში და ყოფილ პარტნიორთან მეგობრულ ურთიერთობას ინარჩუნებს.

"ჯერემი ძალიან გახარებულია იმით, რომ მალე მამა გახდება", - აცხადებს მსახიობის მეგობარი.

ჯერემის შვილი აპრილში გაჩნდება.

იხილეთ ფოტოგალერეა

მომზადებულია popcornnews.ru-ს მიხედვით.