ახალი ქანდაკება ბათუმში - სკულპტორს ფეხსაცმელი სანაპიროზე ”დარჩა”

ბათუმში, ანბანის კოშკის მიმდებარედ, ნახევარფეხსაცმელის ქანდაკება დადგეს. ნებისმიერ მსურველს შეუძლია ფეხსაცმელში ფეხი გაუყაროს.

სკულპტურა იწვევს ასოციაციას, თითქოს, "შეყვარებულები ზღვაში შევიდნენ და ფეხსაცმელი ნაპირზე დატოვეს". ავტორი მოქანდაკე ირაკლი წულაძეა. როგორც მან "ამბები.გე"-ს განუცხადა, ფეხსაცმელი სანაპიროზე დადგმული სახალისო ქანდაკებების სერიიდან არის, ხოლო ტურისტებისთვის ქანდაკებასთან ფოტოების გადაღება საინტერესო უნდა იყოს.

წულაძის თქმით, ბრინჯაოში შესრულებულ ქანდაკებაზე მუშაობა 3 კვირას გაგრძელდა, ქანდაკების შექმნაში ასევე მონაწილეობდა მოქანდაკე დავით გოგობერიშვილი. ირაკლე წულაძე ქანდაკება - "მე, შენ და ბათუმის" ავტორია.

ნინო ხოზრევანიძე

იხილეთ ვიდეო: "ნახევარფეხსაცმელი ზღვის პირზე" - ახალი ქანდაკება ბათუმში