დიდ ბრიტანეთში მოღვაწე ქართველი მომღერალი ქეთი მელუა რამდენიმე დღის წინ ნათესავების მოსანახულებლად საქართველოში იმყოფებოდა. ამის შესახებ მომღერალი სოციალურ ქსელ "ტვიტერში" საკუთარ გვერდზე წერს.
"ამ კვირაში, ბაბუას მე-80 წლისთავთან დაკავშირებით, საქართველოში ვიმყოფებოდი, სიურპრიზი გავუკეთე! რა საოცარი კვირაა!", - წერს ქეთი.
მომღერალი საკუთარ გვერდზე ბრიტანეთის ქალაქ ნიუკასლის ხელისუფლების გადაწყვეტილებასაც ეხმაურება, რომელიც ადგილობრივი საჯარო ბიბლიოთეკების დახურვას უკავშირდება. მომღერალი ხელისუფლების ნაბიჯს აპროტესტებს.
"ეს საშინელებაა! ნიუკასლში ბიბლიოთეკებს ხურავენ! ისინი ბრიტანული საზოგადოებისა და კულტურის შემადგენელ მნიშვნელოვან ნაწილს ანადგურებენ!", - წერს მელუა.
ნიუკასლის მუნიციპალური საბჭოს გადაწყვეტილებით, ბიუჯეტში თანხების დაზოგვის მიზნით, უახლოეს მომავალში ქალაქის საჯარო ბიბლიოთეკების უმრავლესობას დახურავენ.
მომზადებულია contactmusic.com-ის მიხედვით.
ასევე იხილეთ: ქეთი მელუას ახალი კლიპი The Walls Of The World
- ქეთი მელუას "საიდუმლო სიმფონია" - ახალი ვიდეო Forgetting All My Troubles
