ბელარუსი სექსუალური მეტალურგი ქალები

ბელარუსის მეტალურგიული ქარხანა ყოველ წელს ფერად კალენდარს უშვებს, რომელსაც შიშველი გოგონები ამშვენებს. ამ აქციის მიზანი პარტნიორთა ნდობის მოპოვებაა - ბეჭდური პროდუქცია პარტნიორებს ეგზავნება და შეიცავს მესიჯს "ჩვენ თქვენს წინაშე გახსნილი ვართ ყველა გაგებით".

"მოდელების სახით ქარხნის მუშაკები მოვიწვიეთ, რისთვისაც 2012 წლის დასაწყისში კონკურსი ჩატარდა. კონკურსში 30-ზე მეტი თანამშრომელი მონაწილეობდა, მათგან სპეციალურმა კომისიამ საუკეთესოები შეარჩია. მუშების შერჩევისას ყურადღება ექცეოდა მათ გარეგნულ მონაცემებს და ფოტოგენურობას. საბოლოოდ, მოდელთა სიაში ინჟინრები, ლაბორანტები, კონტროლიორები, სტუდენტი, აღმზრდელი, მესაწყობე და ელექტროგამომთვლელი მანქანის ოპერატორი აღმოჩდნენ", - განაცხადეს ქარხნის პრესსამსახურში.

ფოტოპროექტის ავტორთა თქმით, კალენდარი ასახავს არა მხოლოდ ქალის როლს მეტალურგიულ მრეწველობაში, არამედ თავად მათ გრაციოზულობას: "ქალის სხეულის და გამდნარი ლითონის სილამაზე ბევრი რამით იდენტურია, მათ შორის პლასტიკურობითა და ბუნებრივი მიმზიდველობით".

მსგავსი კალენდარი ქარხანამ შარშანაც დაამზადა, თუმცა მაშინ გოგონები ეროტიულ კოსტუმებში იყვნენ გამოწყობილნი.

მომზადებულია newsru.com-ის მიხედვით.