ბიძინა ივანიშვილი - სპეციალური წარმომადგენლის მუშაობას სააკაშვილის პრეზიდენტობა ხელს არ შეუშლის
რუსეთთან ურთიერთობების საკითხებში სპეციალური წარმომადგენლის მუშაობას მიხეილ სააკაშვილის პრეზიდენტობა ხელს არ შეუშლის, - ამის შესახებ საქართველოს პრემიერ-მინისტრმა, ბიძინა ივანიშვილმა კანცელარიაში გამართულ პრესკონფერენციაზე განაცხადა.
მისი თქმით, სააკაშვილს არ აქვს უფლება, ეს პროცესი შეაჩეროს.
"მე არ ვიცი, რუსეთში როგორ აღიქვამენ საქართველოს დღევანდელ სიტუაციას. ჩვენ არ გვქონია ჯერ არავითარი, არც ფორმალური და არც არაფორმალური შეხება რუსულ დიპლომატიასთან და კრემლთან. თვითონ სააკაშვილის პრეზიდენტად ყოფნა ყველაზე ცოტა ხელს არ უწყობს იმის შემდეგ, რა პროვოკაციებიც მან განახორციელა 2008 წელს და მანამდე არადიპლომატიური გამონათქვამები, რომელიც მან რუსეთის ხელმძღვანელობის მიმართ გამოიყენა, მე მგონი დღემდე ტოვებს გარკვეულ აგრესიას რუსეთის მხრიდანაც", - განაცხადა ივანიშვილმა.
ამასთან, ივანიშვილმა განაცხადა, რომ რუსეთთან ურთიერთობების დარეგულირებაში არ არის გამორიცხული, გამოყენებული იყოს ეკლესიის ფაქტორიც.
"რაც საუკუნეების განმავლობაში ყალიბდებოდა, ყველაფერს გამოვიყენებთ. ძალიან მეგობრული ურთიერთობაა ეკლესიებს შორის და ესეც დაგვეხმარება, რომ რაც შეიძლება სწრაფად აღვადგინოთ ურთიერთობები ორ მეგობრულ ერს შორის", - განაცხადა ივანიშვილმა.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
