გავლენიანმა ბრიტანულმა ჟურნალმა Q -მ, მორიგი მუსიკალური დაჯილდოების ცერემონია გამართა. გამარჯვებულთა დაჯილდოება ლონდონში 22 ოქტომბერს გაიმართა.
გამარჯვება ნომინაციაში - თანამედროვეობის საუკეთესო ჯგუფი ბრიტანულ ტრიო Muse-ს ერგო. საუკეთესო ახალ შემსრულებლად კვარტეტი Django Django დაასახელეს, რომელიც ფსიქოდელიურ ინდი-როკს უკრავს. ჯილდო საუკეთესო ალბომისთვის ბობი უომაკის ნამუშევარ "The Bravest Man In The Universe"-ს შეხვდა.
ჯგუფმა Blur-მა ჯილდო ნომინაციაში - "საუკეთესო საკონცერტო გამოსვლა", აგვისტოში ჰაიდ-პარკში ჩატარებული კონცერტისთვის მიიღო.
Q Awards 2012-ის გამარჯვებულთა სრული სია ჟურნალის საიტზეა გამოქვეყნებული. ჟურნალ Q-ს მუსიკალური პრემია ყოველწლიურად გაიცემა. წელს ჯილდოები ოცდამესამედ დარიგდა.
მომზადებულია qthemusic-ის მიხედვით.
