ქობულეთში ძლიერი ქარბორბალა იყო

ქობულეთს ძლიერი ქარბორბალა დაატყდა. როგორც "ინტერპრესნიუსის" კორესპონდენტი იუწყება, ქარბორბალამ ქობულეთს მნიშვნელოვანი ზარალი მიაყენა.

ქობულეთში სტიქიის ეპიცენტრი აღმაშენებლისა და რუსთაველის ქუჩებზე იყო, სადაც ქარბორბალამ ხეები მოგლიჯა. ასევე, რამდენიმე სახლს სახურავი ახადა, ჩაამსხვრია შუშები. სახურავების ნამტვრევები მანქანებს დაეცა და დააზიანა.

ქარბორბალას ძლიერი წვიმა მოჰყვა და მოსახლეობას წყალი ბინებში ჩაუვიდა.

შესაბამისი სამსახურები ზარალს ითვლიან.

"ინტერპრესნიუსი"