ზუგდიდში უბედურ შემთხვევას მცირეწლოვანი ბავშვი ემსხვერპლა

ზუგდიდში დღეს მომხდარ უბედურ შემთხვევას მცირეწლოვანი ბავშვი ემსხვერპლა.

როგორც "ინტერპრესნიუსს" "თავისუფალი დემოკრატების" პრესსამსახურის უფროსმა, ვაკო ავალიანმა განუცხადა, ტრაგედია ზუგდიდში "ქართული ოცნების" აქციის დასრულების შემდეგ მოხდა.

კერძოდ, მისი ინფორმაციით, კოალიციის ერთ-ერთი აქტივისტი სამარშრუტო ტაქსში ადიოდა, მცირეწლოვანი შვილი კი, რომელიც უყურადღებოდ დარჩა, ავტომანქანის ქვეშ შეძვრა, შემდეგ ბავშვს სამარშრუტო ტაქსმა გადაუარა.

ავალიანმა ტრაგედიის გამო მწუხარება გამოთქვა.

"ინტერპრესნიუსი"