რობოტი, რომელიც თქვენს სიზმარს დახატავს

რობოტები ყველგან არიან: თავიდან მათ ადამიანები ქარხნებში ჩაანაცვლეს, შემდეგ დაიმკვიდრეს ადგილი სამზარეულოში, ახლა კი ძილის დროს თქვენს გონებაში შეღწევას ლამობენ, თუმცა მხოლოდ "კეთილი სურვილით".

ახალი რობოტები თქვენს ძილს ნახატად აქცევენ. ასეთი მექანიზმი სასტუმროთა ქსელ Ibis Hotels-ში, პარიზში, ლონდონსა და ბერლინში ამოქმედდა.

იმისათვის, რომ რობოტმა თქვენი "ძილი გამოსახოს" სპეციალურ მატრასზე უნდა დაწვეთ, რომელსაც 80 სენსორი აქვს დამონტაჟებული. სენსორები აფიქსირებენ წნევას, ხმას, მოძრაობას და ტემპერატურას.

მიღებულ ინფორმაციას მატრასი უკაბელო კავშირის მეშვეობით პარიზის სამხატვრო აკადემიაში აგზავნის, სადაც ალგორითმი მონაცემებს აანალიზებს და ვიზუალურად ტილოზე გამოსახავს.

იხილეთ ვიდეო

მომზადებულია drunov.ru-ს მიხედვით.