"ახა­ლა­ი­ამ ათ­ჯერ მა­ინც გა­დაგ­ვა­ღე­ბი­ნა ცი­ხის ფა­სა­დი, ვიდ­რე სა­ა­კაშ­ვი­ლის საყ­ვა­რე­ლი ფერ­თა გა­მა არ მი­ი­ღო"

ის ვი­დე­ო­კად­რე­ბი, რო­მელ­მაც გლდა­ნის ცი­ხის სა­ი­დუმ­ლო გა­მო­ამ­ზე­უ­რა, ჩვე­ნი სა­ხელ­მწი­ფოს სა­მარ­ცხვი­ნოდ, ქვეყა­ნა­ში არ­სე­ბუ­ლი იმ მმარ­თვე­ლი რე­ჟი­მის სიმ­ბო­ლო­ა, რო­მელ­მაც მარ­თვის ის მიკ­რო­მო­დე­ლი შექ­მნა სას­ჯე­ლაღ­სრუ­ლე­ბის სისტე­მა­ში, რომ­ლის აშე­ნე­ბა­საც ბო­ლო წლე­ბია, მთელ ქვეყა­ნა­ში ცდი­ლობს. თა­ვის დრო­ზე გლდა­ნის ცი­ხის შე­ნო­ბა ბიზნეს­მენ ქი­ბარ ხალ­ვა­შის კომ­პა­ნი­ამ აა­შე­ნა და სიმ­ბო­ლუ­რი­ა, რომ 2007 წელს ამ რე­ჟიმს ემ­სხვერ­პლა რო­გორც ბიზნესმე­ნის, ასე­ვე მი­სი უცხ­ო­ე­ლი პარ­ტნი­ო­რე­ბის ლა­მის მთე­ლი ქო­ნე­ბა, სამ­შობ­ლო­დან წას­ვლამ მო­უ­წია ბა­ტონ ქი­ბარ ხალ­ვაშ­საც. გვე­სა­უბ­რე­ბა გლდანის ცი­ხის ამ­შე­ნე­ბე­ლი კომ­პა­ნია "ინ­ტერ­ნე­იშ­ნელ ბილ­დინგის" მთა­ვა­რი ინ­ჟი­ნე­რი მალ­ხაზ ოსა­ძე:

- ნა­ნახ­მა კი­დევ ერ­თხელ და­ა­დას­ტუ­რა, რომ სა­ა­კაშ­ვი­ლის ხე­ლი­სუფ­ლე­ბა სა­დო­მა­ზო­ხიზ­მი­თაა და­ა­ვა­დე­ბუ­ლი. ამი­ტომ ჩამოჰ­ყავს დოქ­ტო­რი დო­ტი. ეს ქალ­ბა­ტო­ნი გახ­ლავთ სექ­სუ­ა­ლუ­რი მა­ზო­ხის­ტი­. რა კა­ტე­გო­რია სარ­გებ­ლობს მა­ზო­ხის­ტის მომ­სა­ხუ­რე­ბით, ამა­ზე პა­სუ­ხი ფსი­ქო­ლო­გე­ბის­თვის და­მით­მი­ა. ამის ნი­შა­ნი იყო ის სი­სას­ტი­კე, რო­მე­ლიც 7 ნო­ემ­ბერს და 26 მა­ისს ჩა­ი­დი­ნეს. ამ წა­მე­ბის მან­ქა­ნის შე­მოქ­მედ­ნი უმაღ­ლეს ხე­ლი­სუფ­ლე­ბა­ში არი­ან: პრე­ზი­დენ­ტი, პრე­მი­ერ­-მინისტრი, ში­ნა­გან საქ­მე­თა მი­ნის­ტრი, იუს­ტი­ცი­ის მი­ნის­ტრი, პრო­კუ­რო­რი.

ერ­თ-ერ­თი თათ­ბი­რის მიმ­დი­ნა­რე­ო­ბი­სას იმ­ჟა­მინ­დელ­მა პრო­კუ­რორ­მა ადე­იშ­ვილ­მა (ეს გახ­ლდათ 2006 წლის თებერვალი) გა­მოგ­ვიცხ­ა­და, დღეს ჩვენ გვყავს 12 ათა­სი პა­ტი­მა­რი, სექ­ტემ­ბერ­ში უნ­და გვყავ­დეს 20 ათა­სი და წლის ბოლოს 30 ათა­სი­ო. არ მე­გუ­ლე­ბა დღეს არც ერ­თი ქვე­ყა­ნა, სა­დაც ხე­ლი­სუფ­ლე­ბა წი­ნას­წარ გეგ­მავს, რამ­დე­ნი ადა­მი­ა­ნი უნ­და დაიჭი­რონ წლის გან­მავ­ლო­ბა­ში. რო­დე­საც ვუ­ყუ­რებ სა­პარ­ლა­მენ­ტო უმ­რავ­ლე­სო­ბის წარ­მო­მად­გე­ნელ­თა გასქელებულ შუბ­ლებს, ვის­მენ მათ უსირ­ცხვი­ლო გან­ცხა­დე­ბებს, ვრწმუნ­დე­ბი, რომ მათ­მა ბე­ლად­მა "ნაც­მოძ­რა­ო­ბა­ში" თა­ვი მო­უ­ყა­რა ჩვე­ნი გე­ნის ბინ­ძურ ნა­წილს.

რა ტვინ­ში უნ­და და­ბა­დე­ბუ­ლი­ყო ის, რა­საც ეს ნა­ძირა­ლე­ბი ჩვენს ცი­ხე­ებ­ში აკე­თებ­დნენ?! პრე­ზი­დენ­ტმა დაგ­ვამ­შვი­და, რომ ეს სხვა ქვეყ­ნებ­შიც ხდე­ბა­ო, ვე­თან­ხმე­ბი პრე­ზი­დენტს, ასე­თი რამ ნამ­დვი­ლად ხდე­ბო­და ლი­ბი­ა­ში, კა­და­ფიც ისე იქცე­ო­და ლი­ბი­ის ცი­ხე­ებ­ში, რო­გორც სა­ა­კაშ­ვი­ლი იქ­ცე­ვა სა­ქარ­თვე­ლო­ში, რო­გორ და­ას­რუ­ლა სი­ცოცხ­ლე კა­დაფ­მა, ვნახეთ. ყვე­ლამ იცის, რომ ამ ქვე­ყა­ნა­ში არა­ფე­რი ხდე­ბა სა­ა­კაშ­ვი­ლის გა­რე­შე. მო­გეხ­სე­ნე­ბათ, ეს გლდა­ნის ცი­ხე ჩვენ­მა კომ­პა­ნი­ამ აა­გო. ბა­ჩო ახა­ლა­ი­ამ ათ­ჯერ მა­ინც გა­დაგ­ვა­ღე­ბი­ნა ცი­ხის ფა­სა­დის კედ­ლე­ბი, ვიდ­რე სა­ა­კაშ­ვი­ლის საყ­ვა­რე­ლი ფერ­თა გა­მა არ მი­ი­ღო. ამის შე­მდეგ შე­იძ­ლე­ბა ვინ­მემ და­ი­ჯე­როს, რომ სა­ა­კაშ­ვილ­მა არ იცო­და რაც ცი­ხე­ებ­ში ხდე­ბო­და? იქ­ნებ არც პრო­კუ­რა­ტუ­რამ და იუს­ტი­ცი­ის მი­ნის­ტრმა იცოდ­ნენ, თუ რო­გორ "ჩუქ­ნი­და" ცი­ხე­ში შეყ­რი­ლი ათა­სო­ბით ბიზ­ნეს­მე­ნი თა­ვის ქო­ნე­ბას სა­ხელ­მწი­ფოს, ან რო­გორ იფორ­მებ­დნენ "ნაც­მოძ­რა­ო­ბის" ცნო­ბილი "სა­ხე­ე­ბი" ცი­ხე­ში ჩაყრილი ბიზ­ნეს­მე­ნე­ბის ქო­ნე­ბას. ეს ხდე­ბო­და მათ­ზე არა­ა­და­მი­ა­ნუ­რი ზე­წო­ლი­სა და ტე­რო­რის შე­დე­გად. მრა­ვალ ასეთ ადა­მი­ან­თან მქო­ნია სა­უ­ბა­რი და კარ­გად ვი­ცი, რა დღე­ში ყრიდ­ნენ. თუ ბიზ­ნეს­მე­ნი უარს ამ­ბობ­და, ისი­ნი ემუქრებოდნენ ტუ­ბერ­კუ­ლო­ზი­თა და შიდ­სით და­ა­ვა­დე­ბით. თუ მა­ინც უა­რობ­და, მა­შინ საქ­მე­ში ერ­თვე­ბო­და წა­მე­ბა და გა­უ­პა­ტი­უ­რე­ბის მუ­ქა­რა. ეს თა­ვისთავ­ზე გა­და­ი­ტა­ნა ჩვენ­მა ხუთ­მა თა­ნამ­შრო­მელ­მა, რომ­ლე­ბიც სრუ­ლი­ად უდანაშაულოდ და­ი­ჭი­რეს და მძევ­ლე­ბად ჰყავ­დათ. ამ­გვა­რი ზე­წო­ლით აი­ძუ­ლეს ქი­ბარ ხალ­ვა­ში გა­და­ე­ხა­და ირაკ­ლი ოქრუ­აშ­ვი­ლის გა­თა­ვი­სუფ­ლე­ბის სა­ნაც­ვლო გი­რა­ო. უპ­რე­ცე­დენ­ტო რამ მოხ­და იმ­ხა­ნად, რო­გორც კი ირაკ­ლი ოქრუაშვილს წა­მე­ბის შე­დე­გად აღი­ა­რე­ბი­თი ჩვე­ნე­ბა მი­ა­ცე­მი­ნეს, გა­მო­უშ­ვეს ცი­ხი­დან ისე, რომ გი­რაო არ იყო გადახდილი. მხო­ლოდ პოს­ტფაქ­ტუმ გვა­ი­ძუ­ლეს, გა­დაგ­ვე­ხა­და გი­რა­ოს თან­ხა.

- ბა­ტო­ნო მალ­ხაზ, იქ­ნებ გა­იხ­სე­ნოთ 2007 წელს რო­გორ ვი­თარ­დე­ბო­და მოვ­ლე­ნე­ბი?

- ამას წი­ნათ მო­ვის­მი­ნე ნა­ცი­ო­ნა­ლე­ბის მა­ჟო­რი­ტა­რი დე­პუ­ტა­ტის, არ­ჩილ გე­გე­ნა­ვას მო­ნო­ლო­გი, რომ თურ­მე ჩვენს ქვეყანა­ში შე­სა­ნიშ­ნა­ვი ბიზ­ნეს­გა­რე­მო­ა. ტყუ­ის ბა­ტო­ნი გე­გე­ნა­ვა, ქვე­ყა­ნა­ში არ არ­სე­ბობს ბიზ­ნეს­გა­რე­მო! ყვე­ლას კარ­გად ახ­სოვს, რო­გორ გა­ა­ნად­გუ­რა ხე­ლი­სუფ­ლე­ბამ ქი­ბარ ხალ­ვა­შის მი­ერ შექ­მნი­ლი კომ­პა­ნი­ე­ბი "არ­ტი" და "ბილ­დინგ კომპანი", "პრი­ზა" და "ლი­ლო". ერთ დღეს მოს­პეს ხუ­თი ათა­სი სა­მუ­შაო ად­გი­ლი. მახ­სოვს, და­ვე­ბის საბ­ჭოს სხდო­მა­ზე, რო­ცა უსუ­სურ და ყალბ ბრალ­დე­ბებს ვუს­მენ­დი, იმ­ჟა­მინ­დელ ფი­ნან­სთა მი­ნისტრ ნი­კა გი­ლა­ურს ვუთხ­ა­რი, არა გრცხვენი­ათ, ასეთ საქ­მეს რო­გორ აკე­თებ­თ-მეთ­ქი, რა მი­პა­სუ­ხა, იცით? - რა ვქნა, ბა­ტო­ნო, სამ­სა­ხუ­რი მაქვს პრო­ჭუ­ლი და მეც პრო­ჭი­ვით ვიქ­ცე­ვი­ო. ძა­ლი­ან ბევრ ინ­ტერ­ვი­უ­ში ვთქვი უკ­ვე, რომ იმ პე­რი­ოდ­ში ჩვენ­თან მო­ლა­პა­რა­კე­ბა ხელისუფ­ლე­ბის მხრი­დან ჯერ და­თა ახა­ლა­ი­ამ და­იწყ­ო, სა­ერ­თოდ რა ეკითხ­ე­ბო­და ამ კაცს, არ ვი­ცი, მე­რე კი ბა­ჩო ახალაი­ამ გა­ნაგ­რძო. ეს ბა­ჩო მე­უბ­ნე­ბო­და, ხე­ლი­სუფ­ლე­ბას უნ­და შე­რი­გე­ბა და მოგ­ვე­ცით "ბილ­დინგ კომ­პა­ნი" და დანარჩენ კომ­პა­ნი­ებს აღარ წა­გარ­თმევ­თო. არ იცით, რო­გორ გვე­ვაჭ­რე­ბოდ­ნენ ჩვენი და­კა­ვე­ბუ­ლი თა­ნამ­შრომ­ლე­ბით, ქო­ნე­ბის წი­ლებს ითხ­ოვ­დნენ თი­თო­ე­უ­ლი მათ­გა­ნის გა­თა­ვი­სუფ­ლე­ბა­ში. ბო­ლოს და ბო­ლოს მო­ლა­პა­რა­კე­ბა შედ­გა, გაათავი­სუფ­ლეს მძევ­ლე­ბი, "არტს" და "პრი­ზას" ახ­სნეს ყა­და­ღა. ცო­ტა ხან­ში გა­მო­მი­ძა­ხეს ისევ ბა­ჩო ახა­ლა­ი­ას­თან, რომელ­მაც მთხო­ვა, ჩა­მო­მეყ­ვა­ნა ქვე­ყა­ნა­ში ქი­ბარ ხალ­ვა­ში. ეტყ­ო­ბო­და, ძა­ლი­ან სჭირ­დე­ბო­დათ. კა­ტე­გო­რი­უ­ლი უა­რი ვუთხ­ა­რი. ბა­ჩო და­მე­მუქ­რა, მა­შინ ნა­ხავთ, რაც და­გე­მარ­თე­ბა­თო. მუ­ქა­რა მა­ლე აას­რუ­ლეს - ორი დღის შემ­დეგ დაწ­ვეს "არ­ტის" საწყ­ო­ბე­ბი.

რო­დე­საც ეს ხე­ლი­სუფ­ლე­ბა აქ­ვეყ­ნებს სა­არ­ჩევ­ნო პროგ­რა­მას და­საქ­მე­ბის და ეკო­ნო­მი­კის გან­ვი­თა­რე­ბის შე­სა­ხებ, კვლა­ვაც ცრუ­ობს. სრუ­ლი პა­სუხის­მგებ­ლო­ბით ვაცხ­ა­დებ, რომ სა­ა­კაშ­ვი­ლის ხე­ლი­სუფ­ლე­ბას, სურ­ვი­ლიც რომ გა­უჩ­ნდეს, ვერასოდეს შექ­მნის ჯან­მრთელ ბიზ­ნეს­გა­რე­მოს და ინ­ვეს­ტი­ცი­ე­ბის დამ­ცავ მე­ქა­ნიზ­მებს. ამის­თვის სა­ჭი­როა თავისუფალი სასამარ­თლო, დე­პო­ლი­ტი­ზე­ბუ­ლი სა­მარ­თალ­დამ­ცა­ვი ორ­გა­ნო­ე­ბი. არა­და, სწო­რედ ამ სტრუქ­ტუ­რებ­ზე დგას ეს დამ­ნა­შა­ვე ხე­ლი­სუფ­ლე­ბა.

- ხე­ლი­სუფ­ლე­ბის უმაღ­ლე­სი პი­რე­ბი აცხ­ა­დე­ბენ, რომ ცი­ხე­ში არ­სე­ბუ­ლი ვი­თა­რე­ბის შე­სა­ხებ არა­ფე­რი იცოდ­ნენ...

- ეს სრუ­ლი სიც­რუ­ე­ა. სან­დრო გირ­გვლი­ა­ნი და მი­სი მე­გო­ბა­რი "ნაც­მოძ­რა­ო­ბის" ელი­ტის ბრძა­ნე­ბით, კუ­დ-ის ოფიცრებმა გა­ი­ტა­ცეს და სა­საფ­ლა­ო­ზე აწა­მეს, გირ­გვლი­ა­ნი მოკ­ლეს. ხე­ლი­სუფ­ლე­ბა ხში­რად ხელს იშ­ვერს წი­ნა ხელსუფლე­ბის­კენ და გვა­მუ­ნა­თებს, კარ­გი იყო, ფან­ჯრე­ბი­დან რომ ცვი­ოდ­ნენ პა­ტიმ­რე­ბი­ო?... რა თქმა უნ­და, ძა­ლი­ან ცუ­დი იყო, მაგ­რამ თქვენ ხომ ფან­ჯრე­ბამ­დეც არ მი­უშ­ვით ვა­ზა­გაშ­ვი­ლი და მი­სი მე­გობ­რე­ბი. ქუ­ჩა­ში ჩა­ხო­ცეთ ბუ­ტა რობა­ქი­ძე და კი­დევ არა­ერ­თი ახალ­გაზ­რდა. იქ­ნებ იმ ბი­ჭებს, რომ­ლებ­საც ცი­ხე­ში აუ­პა­ტი­უ­რებ­დნენ, ერ­ჩივ­ნათ კი­დეც ფან­ჯრი­დან გადმოხტო­მა და სიკ­ვდი­ლი.

ხე­ლი­სუფ­ლე­ბა შოკ­ში ჩა­აგ­დო ამ ამ­ბე­ბის გა­მო­აშ­კა­რა­ვე­ბამ და არა ჩა­დე­ნილ­მა საქ­ცი­ელ­მა. დღეს ცდი­ლო­ბენ ზღაპრე­ბი შეთხ­ზან და შემ­კვე­თე­ბად თა­მა­ზაშ­ვი­ლი და "ქარ­თუ­ლი ოც­ნე­ბა" წარ­მო­ად­გი­ნონ. გა­სა­ო­ცა­რი­ა, სა­დამ­დე მი­დის ამ ყალ­ბი ადა­მი­ა­ნე­ბის ცი­ნიზ­მი.

ქვე­ყა­ნა­ში მოკლეს პრე­მი­ერ­მი­ნის­ტრი და ამ ამ­ბის გა­მო­უ­ძი­ე­ბლო­ბით და­ამ­ტკი­ცეს, რომ მკვლე­ლე­ბი ხე­ლი­სუფ­ლე­ბა­ში არი­ან. მე ვი­ცი, რომ ბა­ტო­ნი ზუ­რას ძმამ, გო­გა ჟვა­ნი­ამ და მე­უღ­ლემ, ქალ­ბა­ტონ­მა ნი­ნო ქა­და­გი­ძემ იცი­ან, ვინ არის მკვლე­ლი. ქალ­ბა­ტო­ნო ნი­ნო და ბა­ტო­ნო გო­გა, და­ა­სა­ხე­ლეთ ზუ­რაბ ჟვა­ნი­ას მკვლე­ლი. მთე­ლი სა­ქარ­თვე­ლო დად­გე­ბა თქვე­ნი ოჯა­ხის, თქვე­ნი შვი­ლე­ბის და­სა­ცა­ვად!

ხელს იშ­ვე­რენ "ქარ­თუ­ლი ოც­ნე­ბის­კენ" და გა­ი­ძა­ხი­ან, ამათ უკან უნ­დათ დაგ­ვაბ­რუ­ნო­ნო. მე მინ­და ვი­კითხ­ო, არ­სე­ბობს ამის უკან კი­დევ რა­ი­მე გზა? სა­ა­კაშ­ვილ­მა დაგ­ვაბ­რუ­ნა ერ­თპარ­ტი­უ­ლი, ერ­თი არაჯან­სა­ღი, უწიგ­ნუ­რი კა­ცის ტი­რა­ნი­ის ქვეშ, დაგ­ვაბ­რუ­ნა ქვის სრო­ლის ხა­ნა­ში.

დღეს ისევ გა­მოჩ­ნდნენ ნიღ­ბი­ა­ნი ყა­ჩა­ღე­ბი (ხე­ლი­სუფ­ლე­ბის რე­ზერ­ვი) გორ­ში თავს და­ეს­ხნენ "ქარ­თუ­ლი ოც­ნე­ბის" წარმო­მად­გენ­ლებს და უმოწყ­ა­ლოდ სცე­მეს. ეს არის დღე­ვან­დე­ლი ხე­ლი­სუფ­ლე­ბის სა­ხე - ძა­ლა­დო­ბა, სა­დიზ­მი, მკვლელო­ბა, ძარ­ცვა, ყა­ჩა­ღო­ბა. რა თქმა უნ­და, ჩვე­ნი სა­ხე­ლო­ვა­ნი პო­ლი­ცია დამ­ნა­შა­ვე­ებს ვერ და­ა­კა­ვებს. ამ­ბო­ბენ, თავდამ­სხმე­ლე­ბი­დან სა­მი კა­ცი ამო­იც­ნეს. ესე­ნი გო­კა გა­ბაშ­ვი­ლი, ნუგ­ზარ წიკ­ლა­უ­რი და მი­ხე­ილ თავ­ხე­ლი­ძე არი­ა­ნო. ახლა ამ­ტკი­ცონ, რომ არ იყ­ვნენ იმ ნიღ­ბებს ამო­ფა­რე­ბუ­ლი ნა­ძირა­ლები სწო­რედ ეგე­ნი.

სა­ა­კაშ­ვილისა და ნაც­მოძ­რა­ო­ბის ხე­ლი­სუფ­ლე­ბის­გან ჩა­მო­შო­რე­ბა იქ­ნე­ბა ყვე­ლა­ზე მე­ტი სარ­გე­ბე­ლი, რო­მელ­საც ქვე­ყა­ნა და ხალ­ხი მი­ი­ღებს პირ­ველ ოქ­ტომ­ბერს.

ნათია დოლიძე

ყოველკვირეული გაზეთი "ყველა სიახლე"

(გამოდის ოთხშაბათობით)