თურქეთში მაშველებმა დახრჩობას გასაბერი ქალი გადაარჩინეს

თურქეთში სამაშველო სამსახურმა შავ ზღვაში "დახრჩობას" გასაბერი ქალი გადაარჩინა. ამის შესახებ ადგილობრივი მასმედია იუწყება.

ინციდენტი ქალაქ სამსუნის სანაპიროზე მოხდა. პოლიციაში ადგილობრივებმა დარეკეს და განაცხადეს, რომ წყალში, სანაპიროსთან ახლოს ქალის სხეული ტივტივებდა. პოლიციამ რეაგირება მაშინვე მოახდინა და ადგილზე მაშველთა და მყვინთავთა ჯგუფი გაგზავნა.

აღმოჩნდა, რომ ეს "გასაბერი ქალი" იყო, გადარჩენილ სექს-სათამაშოს მაშინვე ნაგვის ყუთში უკრეს თავი.

მომზადებულია Reuters-ის მიხედვით.