ანსამბლმა "რუსთავმა" საქართველოს ქალაქებში საიუბილეო კონცერტები გადადო

სახელმწიფო ანსამბლმა "რუსთავმა" საქართველოს ქალაქებში საიუბილეო კონცერტები გადადო და ფილარმონიასთან საპროტესტო აქციას შეუერთდა.

როგორც "ინტერპრესნიუსთან" საუბრისას ანსამბლის მოცეკვავეებმა განაცხადეს, წელს დაარსებიდან ანსამბლს 45 წელი შეუსრულდა და ამ დღეებში საქართველოს ყველა ქალაქში კონცერტები იყო დაგეგმილი, თუმცა, "ქვეყანაში შექმნილი ვითარების გამო მათ არც ეცეკვებათ და არც ემღერებათ და არიან ხალხისა და საზოგადოების გვერდით".

"რუსთავის" წევრები აპროტესტებენ პენიტენციარულ სისტემაში პატიმართა წამების ფაქტებს და ელიან აღნიშნული დანაშაულების საფუძვლიან გამოძიებას და დამნაშავეების დასჯას.

"ინტერპრესნიუსი"