მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ბიძინა ივანიშვილი - ამერიკელმა სენატორებმა კარგად დაინახეს, რომ რასაც სააკაშვილი ამბობს ჩემზე, სიცრუეა
07:22 / 06-09-2012
ამერიკელმა სენატორებმა კარგად დაინახეს, რომ რასაც მიხეილ სააკაშვილი ამბობს ჩემზე, სიცრუეა, - ამის შესახებ "ქართული ოცნების" ლიდერებისა და ამერიკელი სენატორების შეხვედრის შემდეგ ბიძინა ივანიშვილმა განაცხადა.
მისი თქმით, შეხვედრა ძალიან საინტერესო იყო და ამერიკელ სენატორებს აინტერესებდათ დღევანდელი რეალობა და "ქართული ოცნების" პოზიცია.
"მათ კარგად იცოდნენ ყველაფერი, თუმცა ჩვენგან კიდევ უფრო კარგად დაინახეს დღევანდელი რეალობა", - განაცხადა ივანიშვილმა.
"ქართული ოცნების" ლიდერის თქმით, სენატორებს ასევე აინტერესებდათ მისი ბიოგრაფიაც.
"განსაკუთრებით დაინტერესდნენ იმით, რასაც სააკაშვილი ჩემს რუსეთში ქონებასთან დაკავშირებით საუბრობს. მაკკეინს ისიც ვუთხარი, რომ გუშინ რუსეთში ჩემი ბოლო ქონება ცნობილმა ამერიკულმა ფონდმა შეიძინა. საუბარია სოფლის მეურნეობის სექტორში არსებულ ქონებაზე. მათ ძალიან კარგად დაინახეს, რომ რასაც სააკაშვილი ამბობს ჩემზე, რომ ვარ კრემლის აგენტი, სიცრუეა", - განაცხადა ივანიშვილმა.
მისივე თქმით, შეხვედრისას სენატორებს გააცნეს სიცრუისა და ძალადობის ფაქტები, რომელსაც ხელისუფლება ახორციელებს.
"ჩვენ დავპირდით, რომ მოვახერხებთ პროცესების არჩევნებამდე მიყვანას და დემოკრატიულად ჩავანაცვლებთ ხელისუფლებას", - დასძინა ივანიშვილმა.
აშშ-ის სენატის სამკაციანი დელეგაცია სენატორ ჯონ მაკკეინის ხელმძღვანელობით საქართველოს დღეს, ორდღიანი ვიზიტით ეწვია. დელეგაციაში არიან სენატორი ჯოზეფ ლიბერმანი (დამოუკიდებელი, კონეკტიკუტის შტატი) და სენატორი ლინდსი გრემი ("რესპუბლიკური პარტია", სამხრეთი კაროლინა).
ვიზიტის ფარგლებში სენატორები დღეს პრესკონფერენციასაც გამართავენ.
იხილეთ ვიდეო: ბიძინა ივანიშვილი ჯონ მაკკეინსა და სხვა ამერიკელ სენატორებს ხვდება
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
