ბათუმში, "ნაციონალური მოძრაობის" ოფისის მინები ჩაამსხვრიეს
ბათუმში "ერთიანი ნაციონალური მოძრაობის" ოფისს ქვა ესროლეს, რის შედეგადაც შენობის მინები დაზიანდა. ადგილზე სამართალდამცავები იმყოფებიან.
როგორც "ერთიანი ნაციონალური მოძრაობის" წევრი ლაშა კილაბერია "ინტერპრესნიუსთან" აცხადებს, მომხდარში "ქართულ ოცნებას" ადანაშაულებენ.
"მიუხედავად შანტაჟის, დაშინებისა და მოსყიდვის მცდელობისა, "ქართული ოცნება" მიხვდა, რომ ახალ არჩეულ საკრებულოს წევრებს ვერ გადაიბირებენ. გადავიდნენ პირად აგრესიასა და ვანდალიზმზე, გამოუშვეს „ტიტუშკები“ და დააზიანეს ფანჯრები. მომხდარის გამო პოლიცია გამოვიძახეთ და არაერთი ფაქტის მიუხედავად, არცერთი გამოძიებული ამ დრომდე არ არის. აღნიშნული ოფისის, პირდაპირ აჭარის უმაღლესი საბჭოს შენობაა, ირგვლივ კამერებია და იმედია ამოიღებენ. "ქართული ოცნებას" ვეტყვით, რომ მართალ მხარეს ვართ, ვერ მოგვისყიდიან და ვერ დაგვაშინებენ", - აცხადებს ლაშა კილაბერი.