მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მე და ბავშვი მანქანაში ვიყავით, წინ ვიჯექი, ბავშვს უკან ეძინა. სახლი მთლად ჩამოინგრა. გადმოსვლა ვერ მოვასწარი" - რას ჰყვება ოჯახი, რომელიც ბათუმში მომხდარ ნგრევას სასწაულებრივად გადაურჩა
12:09 / 11-10-2021
8 ოქტომბერს ბათუმში, საცხოვრებელი კორპუსის ჩამონგრევის ამსახველი უმძიმესი კადრები მთელმა საქართველომ ნახა. ერთ-ერთი ყველაზე ემოციური მომენტი, ნანგრევებიდან ბავშვის ამოყვანა იყო, რომელიც საბედნიეროდ, გადარჩა. ის იყო პირველი, ვინც მაშველებმა ნანგრევებიდან გამოიყვანეს.
ნგრევის დროს ბავშვი, მამასთან ერთად, კორპუსის წინ გაჩერებულ ავტომობილში იმყოფებოდა. გადარჩა პატარას მამაც.
დღეს ოჯახი შემთხვევის ადგილას მივიდა და ტრაგედიის მსხვერპლთა ხსოვნას პატივი მიაგო.
ბავშვის დედა, თამთა გოგრაჭაძე Ambebi.ge-სთან მომხდარს იხსენებს. მისი თქმით, ერთი შვილი ჩამონგრეული შენობის გვერდით კორპუსში, ექიმთან ჰყავდა, ხოლო მეუღლე და კიდევ ერთი ბავშვი ავტომობილში იყვნენ და მას ელოდნენ.
"მართლაც ძალიან მძიმე დღე იყო, საშინელება, სიზმარშიც კი ვერ წარმოვიდგენდი იმას, რომ ეს კორპუსი ჩემ თვალწინ მთლიანად ჩამოინგრეოდა. ექიმთან ვიყავით, პატარა მყავდა მიყვანილი ვიზიტზე და ზუსტად მისი გვერდითა კორპუსი ჩამოინგრა. ჩემი მეუღლე და პატარა შვილი მანქანაში იყვნენ, იოანეს ეძინა. უკან სავარძელზე გვყავდა დაწვენილი.
ექიმს ბავშვის გასინჯვა დაწყებული ჰქონდა, მაგრამ იტირა, საჭმელი უნდა მეჭმია და გამოვედით, უცებ გავიგონეთ საშინელი ხმა, გამოვვარდით, მაგრამ არაფერი აღარ ჩანდა. მე და ჩემი პატარა შვილი უკან კუთხიდან გამოვედით. ჩემი რძალი მერე გაიქცა, გიზოს და ბავშვს ვნახავო (მეუღლე და შვილი) და ასეთი მდგომარეობა დახვდა. არც ვიცოდით, რომ არკადი ექიმის გვერდით კორპუსი ჩამოინგრა, შემდეგ სურათებში რომ ვნახე, სტრესი მერე მივიღე, ბეწვზე ვართ ჩვენც გადარჩენილები.
ღმერთს მადლობა, ბავშვს მხოლოდ ფეხი აქვს გაბზარული. პირველად ჩემი შვილი ამოიყვანეს. ვლოცულობდით, რომ ყველა გადარჩენილიყო, მაგრამ, სამწუხაროდ, მსხვერპლი მოჰყვა. ჩვენ მართლაც სასწაულად გადავრჩით.
ყველა გარდაცვლილი მთელი საქართველოს ტკივილია", - ამბობს თამთა გოგრაჭაძე.
მომხდარი ბავშვის მამამაც გაიხსენა:
"ორივე, მე და ბავშვი მანქანაში ვიყავით. მე წინ ვიჯექი და ბავშვს უკან ეძინა. ძალიან დიდი ხმაურიც არ ყოფილა, მეთქი ოთახი გამოინგრათქო და შევხედე, სახლი მთლად ჩამოინგრა. გადმოსვლა ვერ მოვასწარი. ორივე მაშველებმა გადმოგვიყვანეს", - ამბობს ის.
ბათუმში, საცხოვრებელი კორპუსი 8 ოქტომბერს ჩამოინგრა. ნგრევას 9 ადამიანი ემსხვერპლა, მათგან 3 არასრულწლოვანია. შინაგან საქმეთა სამინისტრომ მომხდარ ფაქტზე 3 პირი დააკავა.
00:00 / 00:00
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
მანქანაში თუ ისხდნენ ნანგრევების ქვეშ როგორ მოქცა ბავშვი? მანქანაც დაფარა ნანგრევმა?
მიკვირს რომ მანქანას მტლიანად ზედ დაეცა და გადარჩნენ! უფალს მადლობა ამისთვის!
ნეტა ისინიც გადარჩენლიყვნენ! უდანაშაულმა ადამიანმა ვირაც მაიმუნის ხარბობის გამო 4 ოჯახის წევრი დაკარგა! როგორ უნდა გააგრზელოს ამ კაცმა სიცოცხლე უფალო დაეხმარე!