მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ძალიან მიყვარდა ჩემი მეუღლე, მაგრამ ისეთი წარმოუდგენელი რაღაც მოხდა, ვერ ვაპატიებდი" - რას ჰყვება თამთა ჭელიძე ოჯახის დანგრევის შემდგომ დეპრესიაზე?
15:40 / 07-07-2021
მსახიობი და მომღერალი თამთა ჭელიძე წლების წინ, მსახიობ ჯაბა კილაძეზე გახლდათ დაქორწინებული. წყვილი საზოგადოებაში პოპულარობით სარგებლობდა, მათი საერთო კლიპი კი, რომელშიც ლოგინის სცენა იყო გადაღებული, იმჟამინდელ შოუბიზნესში ყველაზე თამამ ნაბიჯად მიიჩნეოდა. სამწლიანი თანაცხოვრების შემდეგ წყვილმა ბავშვის გაჩენა გადაწყვიტა, თუმცა ორსულობა თამთასთვის ყველაზე რთული პერიოდი აღმოჩნდა, შემდეგ იყო პრობლემები და ბავშვის დაბადებიდან მალევე მომღერალი უკვე მარტოხელა დედა იყო.
ამ ამბებიდან 15 წელი გავიდა. თამთასა და ჯაბას საერთო შვილი - ლიზა ჰყავთ. ჯაბამ მსახიობის კარიერა წარმატებით გააგრძელა, თამთამ კი თეატრი დატოვა, აღარც მისი მუსიკალური კარიერა შედგა და ხანგრძლივ დეპრესიაში ჩავარდა. ცხოვრების ამ მძიმე წლებზე, ქალმა გადაცემა "შორენას ეფექტში“ ვრცლად ისაუბრა:
თამთა ჭელიძე:
- 16 წლისას ჩემი პირველი კლიპი - "უცნობი ქალი“ უკვე ჩაწერილი მქონდა, შემდეგ მალე გავთხოვდი. ეს ჩემთვის დიდი პასუხისმგებლობა იყო, ბევრ რამეზე უარი ვთქვი, იმაზე, რაც წარმატებას მომიტანდა. დღეს არაფერს ვნანობ, ისეთი შვილი მყავს, რომ ალბათ ამისთვის ღირდა ყველაფერი. ხანდახან ვფიქრობ, ალბათ იმისთვის დავიბადე, რომ ასეთი შვილი მყოლოდა, მეტი არაფერი.
ჩემთვის ყველაზე სერიოზიული დარტყმა იყო, როდესაც ოჯახში ყველაფერი ამერია. ურთულესი ორსულობა მქონდა, ბავშვის შენარჩუნებისთვის ვიწექი შვიდი თვე. ექიმმა რომ დამიბარა, მითხრა, მხოლოდ იმ შემთხვევაში გააჩენ შვილს, თუ იწვებიო. ყველაფერი გადავდე გვერდზე... ჩემთვის ოჯახის დანგრევა იყო წარმოუდგენელი რაღაც, ქვეყანა რომ დაგექცევა თავზე, სწორედ ეგეთი განცდა მქონდა.... თან იმდენი შრომა მქონდა ჩადებული, ძალიან მიყვარდა ჩემი მეუღლე, მაგრამ ისეთი წარმოუდგენელი რაღაც მოხდა, ვერ ვაპატიებდი.
შვიდი თვის ორსული ვიყავი პირველად ლოგინიდან რომ ავდექი, ლოგინში ვჭამდი, ვსვამდი. თავს ვიკავებდი, თან არ ვნერვიულობდი, მახსოვს შვიდი თვის განმავლობაში ერთხელ ვიტირე. ამ დროს გვერდში მშობლები მედგნენ, ძალიან მაგარი ადამიანები. ერთ დღეს ტელევიზიით მაიკო კაჭკაჭიშვილის სიმღერას მოვუსმინე და მომეწონა, ლევან ლაზარიშვილს დავურეკე, მის მეუღლეს და ვუთხარი, ამ გოგოს გაცნობა მინდა-მეთქი. ორი სიმღერა ჩავწერე... მერე ისევ გავჩერდი... ქრონიკულად დეპრესია მქონდა, ვერ მოვყვები რა მჭირდა ამდენი წელი. ახლა ვსვამ რაღაც პრეპარატებს და კარგად ვარ.
არასოდეს ვყოფილვარ ფსიქოლოგთან, სულ ჩემით ვიბრძოდი. ისეთი მაგარი მეგობრები მყავს, ყოველთვის ჩემს გვერდით იდგნენ. ასეთი პოპულარული რომ ხარ და ბრახ და უცებ სახლში ჯდები, ეს გაფრენინებს. დავკომპლექსდი, ჩაცმის სტილი შევიცვალე, რაღაცნაირი გავხდი. რამდენ გადაცემაზე ვთქვი უარი, ვერ მივდიოდი სტუმრად.
15 წელი გრძელდებოდა ეს, ვერ გამოვდიოდი მდგომარეობიდან. ამ წლებიდან ბოლო შვიდი-რვა წელია, ნელ-ნელა ვწვალობ, რომ დავძლიო ეს მდგომარეობა, ახლა კარგად ვარ, ოღონდ დახმარებით...
წამოვედი თეატრიდან, ვერ ვიმუშავებდი ჯაბასთან ერთად, არ შემეძლო. არადა, თეატრზე ვაფანატებდი. ეს წლები სულ დალაგებული მქონდა ურთიერთბა ჯაბასთან, მასთან პრობლემა არ მაქვს, კარგი ადამიანია... უბრალოდ, ერთად ვერ... ბევრი მიზეზის გამო.
ახლა ძალიან ბედნიერი ვარ, ჩემს გვერდით არის ძალიან კარგი ადამიანი. შეყვარებული ვარ, ყველაფერში მეხმარება. ძალიან მიყვარს და დიდ პატივს ვცემ..."
მკითხველის კომენტარები /
25 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
ცხოვრებაში ყველაფერი ხდება. არა დეპრესიას თამთა გაძლიერდი. გვიყვარხარ.
და მიზეზი რა იყო განშორების? მე ვერ ამოვიკითხე?)))) სათაური.....