ნინოწმინდის ბავშვთა პანსიონის ხელმძღვანელად მეუფე იაკობი დაინიშნა - "მოხდა ისე, რომ მეუფე სპირიდონი საკუთარი ნებით წავიდა"

ნინოწმინდის ბავშვთა პანსიონის ხელმძღვანელად მეუფე იაკობი დაინიშნა. ამის შესახებ მეუფე იაკობმა მედიასთან თავად განაცხადა.

მეუფე იაკობის თქმით, გადაწყვეტილება საპატრიარქომ მიიღო.

მეუფე სპირიდონი კი, რომელიც ამ დრომდე ბავშვთა პანსიონს ხელძღვანელობდა, პანსიონიდან საკუთარი ნებით წავიდა.

„მოხდა ისე, რომ მეუფე თავის ნებით ეპარქიაში დაბრუნდა. საპატრიარქოს გადაწყვეტილებაა, რომ სპირიდონი იყო დირექტორი და ახლა ვარ მე. ჩვენ მეუფე სპირიდონთან ერთად ვაპირებდით, გაგვეკეთებინა ეს ცვლილებები, რაც გასაკეთებელი იყო, მაგრამ იცით, რომ გარკვეული მოვლენების გამო მეუფეს ამის გაკეთება არ დასცალდა“, - განაცხადა მეუფე იაკობმა.